Border News Agency
ထိုင်း၊ ဩဂုတ် ၃၁။
ထိုင်းနိုင်ငံမှာ ၂၀၂၆ ခုနှစ်၊ဇန်နဝါရီလ ၁ ရက်ကနေ ဩဂုတ်လ ၂၈ ရက်အထိ ကိုဗစ်-၁၉ ကူးစက်ခံရသူ ၉၅,၃၅၇ ဦးနဲ့ သေဆုံးသူ ၁၄ ဦးအထိရှိလာတယ်လို့ ထိုင်းရောဂါထိန်းချုပ်ရေးဦးစီးဌာန (DDC)ကထုတ်ပြန်ပါတယ်။
အခုလိုကိုဗစ်ကူးစက်မှုပြန်လည်မြင့်တက်လာချိန်မှာ တုပ်ကွေးနဲ့ RSV လို အခြားအသက်ရှူလမ်းကြောင်းဆိုင်ရာ ရောဂါတွေပါ အဖြစ်များနေတာဖြစ်ပါတယ်။
ဆေးဘက်ဆိုင်ရာသိပ္ပံဦးစီးဌာနရဲ့ စစ်ဆေးချက်တွေအရ NB.1.8.1 မျိုးကွဲဟာ ကူးစက်မှုအများဆုံးဖြစ်ပြီး စစ်ဆေးခဲ့တဲ့နမူနာတွေရဲ့ ၅၀ ရာခိုင်နှုန်းကျော်မှာတွေ့ရှိခဲ့ရသလို JN.1၊ XEC နဲ့ XFG မျိုးကွဲတွေကိုလည်းတွေ့ရှိရတာပါ။
အဲဒီအပြင်ရာသီဥတုအပြောင်းအလဲကြောင့် ကျောင်းတွေ၊လုပ်ငန်းခွင်တွေနဲ့ လူထုအသိုင်းအဝိုင်းကြား ကူးစက်မှုတွေ ဆက်လက်မြင့်တက်လာနိုင်တယ်လို့ ကျန်းမာရေးတာဝန်ရှိသူတွေက သတိပေးထားပါတယ်။
အဲဒါကြောင့် ဖျားနာ၊ချောင်းဆိုးစတဲ့ လက္ခဏာခံစားရရင်အနားယူဖို့နဲ့ အပြင်ထွက်ရင်နှာခေါင်းစည်းတပ်ဆင်ကြဖို့ DDC ကတိုက်တွန်းထားသလို သတင်းမှားတွေကိုမဖြန့်ဝေကြဖို့လည်း မေတ္တာရပ်ခံထားပါတယ်။
