Border News Agency
မီဇိုရမ်၊ ဩဂုတ် ၃၁။
အိန္ဒိယနိုင်ငံ၊မီဇိုရမ်ပြည်နယ်၊ကျိုင်းဖိုင်းမြို့မှာ ဟီးရိုးအင်းဘူး ၂၈ ဘူးနဲ့အတူ မြန်မာအမျိုးသမီးတဦးကို မီဇိုရမ်ပြည်နယ် အကောက်ခွန်နဲ့ မူးယစ်ဆေးဝါးထိန်းချုပ်ရေးဌာနက ဖမ်းဆီးခဲ့ပါတယ်။
အဲဒီကျိုင်းဖိုင်းမြို့၊ ဇိုးသလန်းရပ်ကွက်မှာ ဩဂုတ်လ ၂၈ ရက်၊ည ၇ နာရီခွဲအချိန်ခန့်က သတင်းအချက်အလက်အရ သွားရောက်ရှာဖွေရာမှ ဟီးရိုးအင်းတွေကိုသိမ်းဆည်းရမိခဲ့တာပါ။
အဲဒီသိမ်းဆည်းရမိခဲ့တဲ့ ဟီးရိုးအင်းအလေးချိန်မှာ ၃၅၂.၃၁ ဂရမ် (ဟီးရိုးအင်း ၂၈ ဘူး) ရှိတယ်လို့ အာဏာပိုင်တွေက သတင်းထုတ်ပြန်ထားပါတယ်။
ဖမ်းဆီးခံရသူမှာ အိန္ဒိယ-မြန်မာနယ်စပ် ခေါင်းမဝီကျေးရွာမှာနေထိုင်တဲ့ ဦးနိုးသောင်းရဲ့ သမီး အသက် ၂၇ နှစ်အရွယ် မလလ်ပက်မောအီးဖြစ်ပါတယ်။
သူ့ကို ၁၉၈၅ ခုနှစ်မူးယစ်ဆေးဝါးနဲ့ စိတ်ကိုပြောင်းလဲစေတဲ့ဆေးဝါးဆိုင်ရာ ဥပဒေအရ အမှုဖွင့်ထားပြီး တရားဥပဒေအတိုင်း ဆက်လက်အရေးယူနိုင်ရေးဆောင်ရွက်နေပါတယ်။
အိန္ဒိယ-မြန်မာနယ်စပ်ဒေသတွေမှာ တရားမဝင်မူးယစ်ဆေးဝါးသယ်ဆောင်မှုတွေကို တားဆီးနိုင်ရေးအတွက် နယ်စပ်အာဏာပိုင်တွေနဲ့ လုံခြုံရေးတပ်ဖွဲ့တွေကစစ်ဆေးရေးနဲ့ နယ်မြေရှင်းလင်းမှုတွေ တင်းကြပ်စွာဆောင်ရွက်နေပါတယ်။
