Border News Agency
နေပြည်တော်၊ ဒီဇင်ဘာ ၂၅။
ဒီဇင်ဘာလအတွင်း စစ်ကော်မရှင်တပ်ရဲ့ ဝါဒမှိုင်းဖြန့်အကောက်နှစ်ဆယ့်ရှစ်ခုကို နည်းပညာကုမ္ပဏီကြီးတွေက ဖယ်ရှားပိတ်သိမ်းခဲ့တယ်လို့ Justice For Myanmar ဒီဇင်ဘာလ ၂၅ ရက်၊ ဒီနေ့ထုတ်ပြန်ပါတယ်။
Justice For Myanmar ဟာ ဒီဇင်ဘာလ ၂ ရက်နေ့မှာ နိုင်ငံတကာနည်းပညာကုမ္ပဏီတွေကို စတင်ဆက်သွယ်ခဲ့ပြီးနောက်ပိုင်း သူတို့ရဲ့နည်းပညာကုမ္ပဏီတွေမှ စစ်ကော်မရှင်တပ်ရဲ့ ဝါဒမှိုင်းဖြန့်ချိရေးအကောင့်နှစ်ဆယ့်ရှစ်ခုကို အရေးယူဖယ်ရှားခဲ့တယ်လို့ဆိုပါတယ်။
စစ်ကော်မရှင်တပ်ရဲ့ အတုအယောင်ရွေးကောက်ပွဲမတိုင်မီ အဲဒီအကောင့်ဖယ်ရှားမှုတွေကို လုပ်ခဲ့တာဖြစ်ပြီး သူတို့ရဲ့ဝါဒမှိုင်းတွေ၊ သတင်းမှားတွေနဲ့အမုန်းစကားတွေဖြန့်ဝေနိုင်စွမ်းကို ကန့်သတ်လိုက်တာလည်းဖြစ်တယ်လို့ဆိုပါတယ်။
နိုင်ငံတကာ ပိတ်ဆို့အရေးယူမှုတွေ၊ လူ့အခွင့်အရေးဆိုင်ရာတာဝန်ယူမှုတွေနဲ့အညီ ခုလိုမျိုးဖယ်ရှားပိတ်သိမ်းခဲ့တာတွေကို Justice For Myanmar က ကြိုဆိုတယ်လို့ဆိုပါတယ်။
ဒီဇင်ဘာလအတွင်း ဒီနေ့အထိ Facebook အကောက်တွေဖြစ်တဲ့ Myanmar International TV (MITV)၊ Yadanabon Newspaper (ရတနာပုံသတင်းစာ)၊ Myanma Radio and Television (MRTV)၊ MRN News တို့ကိုဖယ်ရှားခဲ့တာပါ။
အဲဒီအပြင် YouTube ရဲ့အကောက်တွေဖြစ်တဲ့ Ministry of Information (MOI) News၊ MITV၊MediaFire ရဲ့အကောက်တွေဖြစ်တဲ့ Yadanabon Newspaper (ရတနာပုံသတင်းစာ)တွေကိုဖယ်ရှားခဲ့တယ်လို့ဆိုပါတယ်။
နောက်ပြိးTwitch ရဲ့အကောက်တွေဖြစ်တဲ့ MRTV HD၊ MITV၊MRTV News၊ MRTV Farmers၊ MRTV Sports၊MRTV NRC၊ MRTV Entertainment၊ MRTV Radio၊ Mayyu FMTha Pyay Radio၊ Myanma Radio (International)၊ NRC Radio 1၊ NRC Radio 2၊ Visual Radio တို့ကိုဖယ်ရှားခဲ့တယ်လို့ဆိုပါတယ်။
Kick ရဲ့အကောက်တွေဖြစ်တဲ့ MRTV HDMITV၊ MRTV News၊ MRTV Farmers၊ MRTV Sports၊ MRTV NRC၊ MRTV Entertainment တို့ကိုဖယ်ရှားခဲ့တယ်လို့ဆိုပါတယ်။
နည်းပညာကုမ္ပဏီအားလုံးအနေနဲ့ နောက်ထပ် စစ်ကော်မရှင်ရဲ့ဝါဒမှိုင်းဖြန့်အကောင့်တွေကို ဖြုတ်ချဖို့နဲ့ သူတို့ရဲ့ပလက်ဖောင်းတွေကို တားဆီးပိတ်ပင်ဖို့
Justice For Myanmar က ဆက်လက်တောင်းဆိုပါထားပါတယ်။
