Border News Agency
စစ်ကိုင်း၊ မတ် ၁။
စစ်ကိုင်းတိုင်း၊ အရာတော်ထီးဆောင်းကို စစ်ကော်မရှင်တပ်လေကြောင်းတိုက်ခိုက်လို့ အရပ်သားနှစ်ဦးသေဆုံးသွားတယ်လို့ People’s Defense Comradeမှ ဖေဖော်ဝါရီလ ၂၈ရက်နေ့က ထုတ်ပြန်ပါတယ်။
အရာတော် ထီးဆောင်း ကားလမ်းပိုင်းတနေရာကို မုံရွာနမခတက် ဂိုင်ရိုကော်ပတာ တိုက်ခိုက်ယာဥ်သုံးစီးနဲ့ ညနေပိုင်း ၃ နာရီ ၃၃ မိနစ်အချိန်ခန့်က လေကြောင်းတိုက်ခိုက်မှုနှစ်ကြိမ်ပြုလုပ်သွားတယ်လို့ ဆိုပါတယ်။
အဲဒီစစ်ကော်မရှင်တပ်ဟာ ခရီးသွားပြည်သူတွေကို ပစ်မှတ်ထားပြီး ရည်ရွယ်ချက်ရှိရှိလေကြောင်းမှတိုက်ခိုက်ခဲ့လို့ အရပ်သားနှစ်ဦးသေဆုံးခဲ့ပြီး နှစ်ဦးဒဏ်ရာရသွားခဲ့တယ်လို့ ဆိုပါတယ်။
အဲဒီအပြင် ခရီးသည်တင်လာတဲ့ ကားတချို့လည်း ထိခိုက်ပျက်စီးခဲ့ရတယ်လို့ ဆိုပါတယ်။
ခရီးသွားပြည်သူတွေဟာ စစ်ရေးပစ်မှတ်မဟုတ်တာကြောင့် ပြည်သူတွေကို ဗုံးကြဲတိုက်ခိုက်တာဟာ ကြီးလေးတဲ့စစ်ရာဇဝတ်မှုမြောက်တယ်လို့ People’s Defense Comradeမှ ဆိုပါတယ်။
