Border Newd Agency
မန္တလေး၊ ဇန်နဝါရီ ၂ ။
အမျိုးသားညီညွတ်ရေးအစိုးရနဲ့ မန္တလေးဒေသကြားကာလအုပ်ချုပ်ရေးကောင်စီတို့ တွေ့ဆုံခဲ့ကြတယ်လို့ ဇန်နဝါရီလ ၂ ရက်၊ ဒီနေ့ထုတ်ပြန်ပါတယ်။
သူတို့နှစ်ဖွဲ့ဟာ လုပ်ပိုင်ခွင့်အာဏာခွဲဝေတာ (Division of Competency)နဲ့ပတ်သက်ပြီး ပြီးခဲ့တဲ့ဒီဇင်ဘာလ ၂၈ ရက်နေ့က လွ
တ်မြောက်နယ်မြေမှ ာဆွေးနွေးခဲ့ကြတယ်လို့ ဆိုပါတယ်။
အဲဒီလိုဆွေးနွေးရာမှာ သဘောတူညီချက်အချို့ရခဲ့ပြီး အဲဒီအချက်တွေကို အမျိုးသားညီညွတ်ရေးအစိုးရ ကတ်ဘိနက်အဖွဲ့ကို တင်ပြပြီး ဆက်လက်ဆောင်ရွက်သွားမယ်လို့ဆိုပါတယ်။
အဲဒီအပြင် မန္တလေးဒေသလွတ်မြောက်နယ်မြေမှာ အခွန်မကောက်ရသေးတဲ့ သယံဇာတလုပ်ငန်းနဲ့ပတ်သက်ပြီး ရသင့်ရထိုက်တဲ့အခွန်တွေမှန်မှန်ကန်ကန်ရဖို့နဲ့ တော်လှန်ရေးအမြန်အောင်မြင်စေဖို့အတွက် ရှေ့ဆက်ဆောင်ရွက်ရမယ့်လုပ်ငန်းစဉ်တွေကိုလည်းအပြန်အလှန်ဆွေးနွေးခဲ့ကြတယ်လို့ဆိုပါတယ်။
အဲဒီဆွေးနွေးပွဲကို အမျိုးသားညီညွတ်ရေးအစိုးရဘက်မှ ဝန်ကြီးချုပ်ရုံး ပြည်ထောင်စုဝန်ကြီးဒေါက်တာဇော်ဝေစိုး၊ ကာကွယ်
ရေးဝန်ကြီးဌာနပြည်ထောင်စုဝန်ကြီး ဦးရည်မွန်၊ ပြည်ထဲရေးနဲ့လူဝင်မှုကြီးကြပ်ရေးဝန်ကြီးဌာန၊ ဒုတိယပြည်ထောင်စုဝန်ကြီးဦးကျော်နီနဲ့ရုံးအဖွဲ့ဝင်တွေ တက်ရောက်ခဲ့ကြတယ်လို့ဆိုပါတယ်။
အဲဒီအပြင် မန္တလေးဒေသကြားကာလအုပ်ချုပ်ရေးကောင်စီဘက်မှ ဥက္ကဋ္ဌ၊ ဒုတိယဥက္ကဋ္ဌအပါအဝင် ကောင်စီဝင်တွေတက်ရောက်ခဲ့ကြတယ်လို့ဆိုပါတယ်။
