Border News Agency
အမေရိကန်၊ ဇန်နဝါရီ ၃ ။
ဗင်နီဇွဲလားသမ္မတနီကိုလပ်စ်မာဒူရိုနဲ့ဇနီးကို အမေရိကန်ကဖမ်းဆီးထားပြီးလို့ အမေရိကန်သမ္မတထရမ့်က သူရဲ့လူမှုကွန်ရက်စာမျက်နှာမှာ ဇန်နဝါရီလ ၃ ရက်၊ ဒီနေ့ထုတ်ပြန်ပါတယ်။
အမေရိကန်ပြည်ထောင်စုဟာ ဗင်နီဇွဲလားနိုင်ငံအပေါ် အကြီးစားတိုက်ခိုက်မှုကို အောင်မြင်စွာဆောင်ရွက်နိုင်ခဲ့ပြီး ဗင်နီဇွဲလားသမ္မတနီကိုလပ်စ်မာဒူရိုနဲ့ဇနီးကို လေယာဉ်နဲ့တိုင်းပြည်ပြင်ပသို့ခေါ်ထုတ်လာနိုင်ခဲ့တယ်လို့ဆိုပါတယ်။
စစ်ဆင်ရေးကို အမေရိကန်တရားဥပဒေစိုးမိုးရေးအဖွဲ့အစည်းတွေနဲ့ ပူးပေါင်းဆောင်ရွက်ခဲ့တာဖြစ်ပြီး အမေရိကန်စံတော်ချိန် ဒီနေ့ မနက် ၁၁ နာရီအချိန်မှာ သတင်းစာရှင်းလင်းပွဲလုပ်မယ်လို့ဆိုပါတယ်။
အမေရိကန်အစိုးရဟာ မာဒူရိုကိုမူးယစ်မှောင်ခိုလုပ်ငန်းတွေမှာ ပါဝင်ပတ်သက်နေတယ်လို့စွပ်စွဲထားပြီး သူတို့နှစ်နိုင်ငံကြားမှာ တင်းမာမှုအမြင့်ဆုံးရောက်ရှိသွားပြီးဖြစ်ပါတယ်။
ဗင်နီဇွဲလားနိုင်ငံရဲ့မြို့တော် ကာရာကတ်စ်မြို့မှာ ဇန်နဝါရီလ ၃ ရက်၊ မနက်အစောပိုင်းကပေါက်ကွဲမှုတွေထွက်ပေါ်လာကာ အမေရိကန်ကဗင်နီဇွဲလားရဲ့ စစ်ရေးပစ်မှတ်တွေကို တိုက်ခိုက်ခဲ့တာလို့ နိုင်ငံတကာသတင်းတွေက ဖော်ပြထားပါတယ်။
