နိုင်ငံအနှံ့က ရခိုင်လူမျိုးတွေကို စောင့်ကြည့်ဖို့ စစ်ဖက်ရေးရာလုံခြုံရေးကို တာဝန်ပေးထား
ရန်ကုန်၊သြဂုတ် ၂၁။
ရန်ကုန်အပါအဝင် မြန်မာပြည်အနှံ့မှာ ရောက်ရှိနေထိုင်နေကြတဲ့ ရခိုင်လူမျိုးတွေကို စောင့်ကြည့်ထောက်လှမ်းစုံစမ်းဖော်ထုတ်ဖမ်းဆီးဖို့အတွက် ရခိုင်မှာတာဝန်ကျခဲ့တဲ့ စစ်ကောင်စီတပ်ရဲ့စစ်ဖက်ရေးရာလုံ ခြုံရေး(စရဖ)တွေကို တာ ဝန်ပေးထားတယ်လို့ စစ်ကောင်စီတပ်အသိုင်းအဝိုင်းက အတည်ပြုပြောကြပါတယ်။
အဲဒီအထဲမှာ ရန်ကုန်၊မန္တလေး၊နေပြည်တော်ရှိ ရခိုင်လူမျိုးတွေကို အဓိကဦးတည်းပစ်မှတ်ထား စောင့်ကြည့်ထောက်လှမ်းနေကြပြီး ရန်ကုန်နဲ့မန္တလေးရှိရခိုင်လူမျိုးတွေဟာ အထူးသတိထားစောင့်ကြည့်ခံနေကြရသူတွေဖြစ်တယ်လို့ ဆိုကြပါတယ်။
အဲဒီအထဲမှာ အာရက္ခတပ်တော်(AA)နဲ့ဆက်နွယ်ပတ်သက်နေကြသူတွေ၊ငွေ ကြေးကူညီထောက်ပံ့ပေးနေကြသူတွေအပါအဝင် အားပေးထောက်ခံနေကြသူ
အားလုံးကို ဖော်ထုတ်အရေးယူနိုင်ဖို့စောင့်ကြည့်စုံစမ်းနေကြတာလို့ စစ်ဖက်ရေးရာလုံခြုံရေး(စရဖ)တပ်ဖွဲ့ဝင်တွေက ဆိုကြပါတယ်။
”ရန်ကုန်၊မန္တလေး ဘယ်မှာပဲနေနေ၊ရခိုင်ဆိုရင် ကွင်းဆက်လိုက်ပြီးစောင့်ကြည့်ထောက်လှမ်းနေပါတယ်။အဓိက AAနဲ့ပတ်သက်မှုတွေ၊ငွေကြေးထောက်ပံ့မှု
တွေကိုပါ။ဌာနဆိုင်ရာဝန်ထမ်းတွေ၊စီးပွားရေးသမားတွေကနေသာမန်လူတွေထိပါပါတယ်။”လို့ ရန်ကုန်မှစစ်ဖက်ရေးရာလုံခြုံရေးတပ်ဖွဲ့ဝင်တစ်ဦးက Border News Agency သို့ပြောပါတယ်။
အဲဒီရန်ကုန်တိုင်းဒေသကြီးမှာ စစ်ဖက်ရေးရာလုံခြုံရေးတပ်ဖွဲ့ရဲ့တပ်ရင်းမှူးဒု ဗိုလ်မှူးကြီးခင်မောင်ဝင်းကိုယ်တိုင်ဦးဆောင်ပြီး ရန်ကုန်ရှိရခိုင်လူမျိုးတွေကို
စောင့်ကြည့်ထောက်လှမ်းနေသလို သူဟာ ရခိုင်မှာတာဝန်ကျခဲ့တာမို့ ရခိုင်လူ မျိုးတွေရဲ့သတင်းအချက်အလက်တွေအဆင်သင့်ရှိနေတယ်လို့ ဆိုကြပါတယ်။
အဲဒီရန်ကုန်အပြည်ပြည်ဆိုင်ရာလေဆိပ်မှာ အာရက္ခတပ်တော်(AA)စစ်ဦးစီးချုပ်၊ဗိုလ်ချုပ်ထွန်းမြတ်နိုင်ရဲ့ယောက်ဖတော်စပ်သူ၊အသက် ၄၁ နှစ်အရွယ်ကိုကျော်သန်းဇံကို ပြီးခဲ့တဲ့မတ်လ ၁၁ ရက်နေ့က စစ်ကောင်စီတပ်မှဖမ်းဆီးခဲ့ပါတယ်။
အဲဒီအပြင် ရခိုင်အမျိုးသားပါတီ(ANP)ရဲ့ပါတီလူငယ်ခေါင်းဆောင်ကိုခင်မောင်ဝင်းအပါအဝင်ရခိုင်လူငယ်သုံးဦးကိုလည်း မေလ ၃၁ ရက်နေ့က ရန်ကုန်မှာဖမ်း ဆီးပြီး အကြမ်းဖက်မှုတိုက်ဖျက်ရေးဥပဒေနဲ့အမှုဖွင့်တရားစွဲဆိုထားပါတယ်။
အဲဒီလိုစောင့်ကြည့်ထောက်လှမ်းဖော်ထုတ်အရေးယူနေတာဟာ သတင်းပေးတွေ၊ဒလန်းတွေထားရှိသလို လူမှုကွန်ရက်တွေကို အချိန်ပြည့်စောင့်ကြည့်တာတွေပြုလုပ်နေကြပြီး သေချာရင်ဖမ်းဆီးလိုက်ကြတာလို့ ဆိုကြပါတယ်။
”ရခိုင်အကောက်တွေမှာ စစ်တပ်ကအနည်းနဲ့အများရှိနေကြပြီးသားပါ။လူသိများသူတွေ၊စာရင်းပေါက်ပြီးသားသူတွေဆိုရင် ပုံတင်တာ၊စာတင်တာတွေကအစသက်သေယူထားပါတယ်။နေရာသေချာရင်သွားဖမ်းကြပါတယ်။ရန်ကုန်မှာအဖမ်းခံရသူတချို့က Facebookကြောင့်ပါ။”လို့ ရန်ကုန်မှာတာဝန်ကျ နေတဲ့စစ်ဖက်ရေးရာလုံခြုံရေးတပ်ဖွဲ့ဝင်တစ်ဦးက Border News Agency သို့ပြောပါတယ်။
အဲဒီရန်ကုန်မှာ ရောက်ရှိနေထိုင်နေကြတဲ့ရခိုင်လူမျိုးအနည်းဆုံး ၁၅၀ ခန့်ကို စစ်ကောင်စီတပ်ကဖမ်းဆီးထားပြီး အများစုကို စစ်ခုံရုံးကအမိန့်ချကာ အင်းစိ န်ထောင်မှာကျနေကြတယ်လို့ ရန်ကုန်နေရခိုင်လူမျိုးတွေက ဆိုကြပါတယ်။
အဲဒီအပြင် သံတွဲ၊တောင်ကုတ်၊အမ်းမြို့တွေမှာ အာရက္ခတပ်တော်(AA)ရဲ့စစ်ရေးလှုပ်ရှားမှုတွေ၊အရပ်သားပြည်သူတွေရဲ့ပူးပေါင်းပါဝင်နေမှုတွေကို စောင့်ကြည့်ထောက်လှမ်းဖို့ အရင်က မောင်တောမှာတာဝန်ကျခဲ့ပြီး လက်ရှိအမ်းမှာတာဝန်ကျနေတဲ့ စစ်ဖက်ရေးရာလုံခြုံရေးတပ်မှဗိုလ်ကြီးအာကာစိုးကို တာဝန်ပေးထားတယ်လို့ ဆိုကြပါတယ်။
နောက်ပြီး အရင်ကရခိုင်မှာတာဝန်ကျခဲ့ပြီး လက်ရှိ ရန်ကုန်မှာတာဝန်ကျနေတဲ့စစ်ဖက်ရေးရာလုံခြုံရေးတပ်မှ ဒုတပ်ရင်းမှူးဝင်းသူနဲ့ဗိုလ်ကြီးအာကာစိုးတို့ပေါင်းပြီး အမ်း၊တောင်ကုတ်၊ဂွမှာ ဒေသခံတချို့ကို သတင်းပေးဒလန်းအဖြစ်ငွေကြေးထောက်ပံ့ပေးထားကာစစ်ဘေးရှောင်တွေလို အသွင်ယူဒလန်မွေးထားတယ်လို့ စစ်ဖက်ရေးရာလုံခြုံရေးတပ်ဖွဲ့ဝင်တွေက ဆိုကြပါတယ်။
မန္တလေးမှာတော့ တောင်ငူဇာတိ၊စစ်ဖက်ရေးရာလုံ ခြုံရေးဒုတပ်ရင်းမှူးမင်းအောင်နိုင်ကို မန္တလေးတိုင်းဒေသကြီးရှိ ရခိုင်လူမျိုးအားလုံးအကြောင်းကို စောင့်ကြည့်စုံစမ်းဖော်ထုတ်အရေးယူဖို့ တာဝန်ပေးအပ်ခံထားရတယ်လို့ ဆိုကြပါတယ်။
အာရက္ခအဆုံးအဖြစ်စစ်ပွဲမှာ အာရက္ခတပ်တော် (AA)က အာရက္ခဒေသရှိမြို့အများစုကို အပြီးသတ်တိုက်ခိုက်သိမ်းပိုက်ထားပြီး မောင်တော၊သံတွဲ မြို့တွေကို အပြီးသတ်သိမ်းပိုက်ခါနီးနေသလို အမ်း၊ကျောက်ဖြူ၊တောင်ကုတ်၊ဂွ မြို့တွေမှာ တိုက်ပွဲတွေဖြစ်ပွားနေပါတယ်။
အဲဒီအပြင် စစ်တွေ၊မာန်အောင်မြို့တွေမှာလည်း စစ်ရေးတင်းမာနေတာမို့ အ ရပ်သားပြည်သူအများအပြား ရန်ကုန်၊မန္တလေးစတဲ့မြို့တွေကို စစ်ဘေးရှောင်
သွားကြတာမို့ စစ်ဘေးရှောင်တွေအပါအဝင် ရခိုင်လူမျိုးတွေ အထူးစောင့်ကြည့်ခံနေကြရသလို လူမျိုးရေးခွဲခြားဆက်ဆံခံနေကြရတယ်လို့ ဆိုကြပါတယ်။
