မောင်တောမြို့သူကြီးတပ်ရင်းမှာ နယ်ခြားစောင့်ရဲတွေကို စစ်သားတွေ ပစ်သတ်နေ
Border News Agency
မောင်တော၊အောက်တိုဘာ ၄။
မောင်တောမြို့အဝင်၊မြို့သူကြီးကျေးရွာဟောင်းမှာတည်ရှိတဲ့ အမှတ် ၅ နယ် ခြားစောင့်ရဲတပ်ရင်းရှိ နယ် ခြားစောင့်ရဲတွေကို စစ်သားတွေက ခွဲခြားဆက်ဆံတာတွေ၊အနိုင်ကျင့်စော်ကားတာတွေ၊စားနပ်ရိက္ခါတွေအလုံအလောက်မပေးတာတွေ၊ဖုန်းတွေအားလုံးကိုသိမ်းဆည်းတာတွေအပြင် ပစ်သတ်တာတွေထိပြုလုပ်နေကြတယ်လို့ စစ်ကောင်စီတပ်အသိုင်းအဝိုင်းက အတည်ပြုပြောကြပါတယ်။
အဲဒီမောင်တောနယ်မြေခံစစ်ဆင်ရေးကွပ်ကဲမှုဌာန ချုပ်ဖြစ်တဲ့ အမှတ် ၅ နယ် ခြားစောင့်ရဲတပ်ရင်းကို အာရက္ခတပ်တော်(AA)က ထိုးစစ်ဆင်တိုက်ခိုက်နေပြီး စစ်ကောင်စီတပ်က သေဆုံးဒဏ်ရာရသူတွေများပြားနေသလို စားနပ်ရိက္ခါတွေအပါအဝင် လက် နက်ခဲယမ်းတွေလည်းနည်းပါးလာတာမို့ စစ်သားတွေက နယ်ခြားစောင့်ရဲတွေကို ခုလိုမျိုးပြုလုပ်နေကြတာလို့ ဆိုကြပါတယ်။
အဲဒီလိုလက်နက်ကိုင်အချင်းချင်းအနိုင်ကျင့်စော် ကားပစ်သတ်နေတာတွေကို မိတ္ထီလာမြို့အခြေစိုက်အမှတ် ၁ တပ်မတော်ဆေးရုံနေ အဘဦးထွန်းကြည်ရဲ့သား၊အသက် ၅၃ နှစ်အရွယ်နယ်မြေခံစစ်ဆင်ရေးကွပ်ကဲရေးမှူးဗိုလ်မှူးချုပ်သူရိန်ထွ န်းက အမိန့်ပေးစေခိုင်းနေတာဖြစ်ပြီး ကရင်ပြည်၊ဘားအံမြို့အခြေစို က်၊အမှတ် ၂၂ ခြေမြန်တပ်မဌာနချုပ်မှတပ်ဖွဲ့ဝင်တွေ၊ဘူးသီးတောင်မြို့အခြေစိုက်၊အမှတ် ၂ ၆၃ ခြေလျပ်တပ်ရင်းမှတပ်ဖွဲ့ဝင်တွေကျူးလွန်နေကြတာလို့ ဆိုကြပါတယ်။
အဲဒါကြောင့် စစ်ကောင်စီတပ်လူကြီးတွေအနေနဲ့လက်နက်ကိုင်တပ်ဖွဲ့ဝင်အချ င်းချင်းအနိုင်ကျင့်စော် ကားသတ်ဖြတ်မှုတွေကျူးလွန်ဖို့အမိန့်ပေးသူအပါအဝ င် ကျူးလွန်နေကြသူတွေကို ထိထိရောက်ရော က်အရေးယူပေးကြဖို့ စစ်ကော င်စီတပ်အသိုင်းအဝိုင်းက တောင်းဆိုနေကြပါတယ်။
”ဗိုလ်မှူးချုပ်သူရိန်ထွန်းက နယ်ခြားစောင့်ရဲတွေကို အမျိုးမျိုးဖိနှိပ်နေပါတယ်။နယ်ခြားစောင့်ရဲအားလုံးက ဖုန်းတွေအကုန်လုံးကိုသိမ်းထားပါတယ်စစ်သား တွေစားပြီး ကျန်တာကိုပဲနယ်ခြားစောင့်ရဲတွေကို ကျွေးပါတယ်။ပြန်ပြောရင်ပစ်သတ်လိုက်ပါတယ်။ခုလိုမျိုးအနိုင်ကျင့်စော်ကားနေတာတွေကို ရပ်ပြီးဖုန်းတွေအားလုံးကိုပြန်ပေးစေချင်ပါတယ်။”လို့ အဲဒီတပ်ရင်းမှ နယ်ခြားစောင့်အရာရှိတစ်ဦးက Border News Agency သို့ပြောပါတယ်။
အဲဒီလိုလက်နက်ကိုင်တပ်ဖွဲ့ဝင်အချင်းချင်းအနိုင်ကျင့်စော်ကားသတ်ဖြတ်မှုတွေကျူးလွန်နေကြတာဟာ အချင်းချင်းစိတ်ဝမ်းကွဲစေပြီး နယ်ခြားစောင့်ရဲတပ်ဖွဲ့ဝင်တွေ လက်နက်ချအညံ့ခံကြတာတွေ၊ထွက်ပြေးကြတာတွေ၊အချင်းချင်းပစ်သတ်တာတွေဖြစ်နေကြပြီးမို့ အထက်လူကြီးတွေအရေးယူဖြေရှင်းပေးကြဖို့မဖြစ်မနေလိုအပ်နေပြီလို့ စစ်ကောင်စီတပ်အသိုင်းအဝိုင်းက ဆိုကြပါတယ်။
အဲဒီအမှတ် ၅ နယ်ခြားစောင့်ရဲတပ်ရင်းကို အပြီးသတ်သိမ်းပိုက်ရယူရေးအတွ က် ထိုးစစ်တွေကို ဆက် လက်အရှိန်မြှင့်သွားမယ်လို့ အာရက္ခတပ်တော်(AA) မှ စက်တင်ဘာလ ၂ ၇ ရက်နေ့က သတိပေးထားပြီး အာရက္ခတပ်တော်က လက် နက်ကြီးတွေအသုံးပြုထိုးစစ်ဆင်တိုက်ခိုက်နေသလို စစ်ကောင်စီတပ်ကလည်း လေကြောင်းပစ်ခတ်မှုတွေ အပြင်းထန်းဆုံးပြုလုပ်ခုခံနေတယ်လို့ မောင်တောဒေသခံတွေက ဆိုကြပါတယ်။
အဲဒီနယ်မြေခံစစ်ဆင်ရေးကွပ်ကွဲရေးဌာနချုပ်ဟာ စစ်ကောင်စီတပ်အတွက်မောင်တောခရိုင်မှာ နောက်ဆုံးလက်ကျန်နေရာဖြစ်ပြီး အဲဒီနေရာဟာ အမှတ် ၁၅ စစ်ဆင်ရေးကွပ်ကဲမှုဌာနချုပ်ဖြစ်သလို မောင်တောခရိုင်မှာ အခိုင်မာဆုံး၊အင်အားအများဆုံးမဆုတ်တမ်းခံတပ်လည်းဖြစ်တယ်လို့ စစ်ကောင်စီတပ်အသိုင်းအဝိုင်းက ဆိုကြပါတယ်။
ဒါပေမယ့် စားနပ်ရိက္ခါအပါအဝင်လက်နက်ခဲယမ်းတွေနည်းပါးလာတာတွေ၊တပ်ဖွဲ့ဝင်အချင်းချင်းအနိုင်ကျင့်သတ်ဖြတ်တာတွေ၊တပ်ဖွဲ့ဝင်တွေသေဆုံးဒဏ် ရာရများပြားပြီး အချင်းချင်းစိတ်ဝမ်းကွဲသတ်ဖြတ်တာတွေဖြစ်နေကြပြီမို့ တပ် ဖွဲ့ဝင်အများစုက လ က်နက်ချအညံ့ခံအလံဖြူထောင်ချင်ကြပေမယ့် နယ်မြေခံစစ်ဆင်ရေးကွပ်ကဲရေးမှူးဗိုလ်မှူးချုပ်သူရိန်ထွန်းက လက်နက်ချအညံ့ခံအလံဖြူထောင်မယ့်တပ်ဖွဲ့ဝင်တွေကို ပစ်သတ်မယ်လို့ခြိမ်းခြောက်ထားတယ်လို့ စစ်ကောင်စီတပ်အသိုင်းအဝိုင်းက ဆိုကြပါတယ်။
”စစ်သားတွေစားလို့ကျန်တာကိုပဲစားနေကြရတာပါ။စစ်သားအချင်းချင်းမှာတောင်အောက်ခြေတပ်သားတွေက အရာရှိတွေစားပြီးကျန်တာကိုစားနေကြရတာပါ။အများစုကလက်နက်ချချင်ကြပါတယ်။လ က်နက်ချမယ့်သူတွေကိုပစ်သတ်မယ့်ပြောလို့အုပ်စုလိုက်ထွက် ပြေးချင်နေကြတာပါ။ဒီအတိုင်းနေရင်လ ည်းငတ်ပြီးသေသွားနိုင်ပါတယ်။”လို့အဲဒီတပ်ရင်းရှိဘူးသီးတောင်မြို့အခြေစိုက်၊အမှတ် ၂၆၃ ခြေလျပ်တပ်ရင်းမှတပ်ဖွဲ့ဝင်တစ်ဦးက Border News Agency သို့ ပြောပါတယ်။
အဲဒီအမှတ် ၅ နယ်ခြားစောင့်ရဲတပ်ရင်းသို့ စစ်ကောင်စီတပ်က လေကြောင်းအသုံးပြုပြီး လက်နက်ခဲယမ်းတွေ၊စာနပ်ရိက္ခါဖြည့်တင်းပေးတာတွေ မကြာ ခ ဏပြုလုပ်ပေးနေပေမယ့် အဲဒီလက်နက်ခဲယမ်းတွေ၊စာနပ်ရိက္ခါတွေဟာ တပ်ဖွဲ့ဝင်အားလုံးအတွက်မလုံလောက်သလို အဲဒီလက်နက်ခဲယမ်းတွေ၊စာနပ်ရိက္ခါတွေကို ယူဆောင်ထွက်ပြေးကြတာတွေ၊အဲဒီလက်နက်ခဲယမ်းတွေ၊စာနပ်ရိက္ခါတွေကို အာရက္ခတပ်တော်က ရရှိသွားတာတွေလည်း ရှိနေတယ်လို့ ဆိုကြပါတယ်။
အဲဒီနယ်မြေခံစစ်ဆင်ရေးကွပ်ကဲမှုဌာနချုပ်ကို ခြံစည်ရိုးသုံးထပ်ထိအခိုင်အ မာကာရံထားပြီး ခြံစည်ရိုးအပြင်ဖက်မိတာသုံးရာပတ်ပတ်လည်းကိုမြေမြုပ်မိုင်းတွေ အပြည့်ထောင်ထားသလို ခြံစည်ရိုးတွေကြားမှာ ငါးပေကျော်တူးမြောင်းပစ်ကျင်းတွေကို ကျောက်သားအမာတွေနဲ့အခိုင်အမာတည်ဆောက်ထားတဲ့ မဆုတ်တမ်းခံစစ်ဌာနချုပ်လည်း ဖြစ်ပါတယ်။
အဲဒီအပြင် အဲဒီဌာနချုပ်ပတ်ပတ်လည်မှာ မောင်တောခရိုင်တရားရုံး၊မြို့အဝင်တံတားစစ်ဆေးရေးဂိတ်၊မြို့မကညင်တန်းဝန်ထမ်းအိပ်ရာလိုအခိုင်အမာကာကင်းတွေဘအများအပြားတည်ရှိနေသလို တပ်ရင်းဝင်ပေါက်အနောက်ဘက်၊တပ်ရင်းအဆောက်အ အုံဟောင်းမှာ သေချာအမိန့်ပေးကွပ်ကွဲနိုင်တဲ့မြေအော က်ခန်းရှိပြီး နယ်မြေခံစစ်ဆင်ရေးကွပ်ကဲရေးမှူးဗိုလ်မှူးချုပ်သူရိန်ထွန်းဟာ အဲဒီနေရာမှအမိန့်ပေးကွပ်ကွဲနေတာဖြစ်ပါတယ်။
အဲဒီလိုအခိုင်အမာတည်ဆောက်ထားပြီး အင်အားအများအပြားနဲ့မဆုတ်တမ်းခုံခံနေကြသလို လေကြောင်းပစ်ကူတွေကို အပြင်းထန်ဆုံးပြုလုပ်ပေးနေပြီး ဘာမှအကာအကွယ်မရှိတဲ့လယ်ကွင်းပြင်ကြီးမို့ အာရက္ခတပ်တော်(AA)ကအနီးကပ်ထိုးစစ်ဆင်တိုက်ခိုက်ဖို့ခက်ခဲနေသလို တပ်ရင်းထဲသို့ဝင်ရောက်သိမ်း ပိုက်ဖို့ခက်ခဲနေတာမို့ တိုက်ပွဲတွေပြင်းထန်နေကာအချိန်ပိုကြာနေတာလို့ မောင်တောဒေသခံတွေက ဆိုကြပါတယ်။
(ဓာတ်ပုံ-မောင်တောမြို့အဝင်၊မြို့သူကြီးအခြေစိုက်၊အမှတ် ၅ နယ်ခြားစောင့်ရဲတပ်ရင်း/BNA)
