Border News Agency

တောင်ကုတ်၊အောက်တိုဘာ ၄ ။

တောင်ကုတ်မြို့နယ်၊ကင်းတောင်စံပြကျေးရွာကို အောက်တိုဘာလ ၄ ရက်၊ဒီနေ့ စစ်ကောင်စီတပ်လေကြောင်းတိုက်ခိုက်လို့ အရပ်သားငါးဦးသေဆုံးပြီး နှစ်ဆယ့်ငါးဦးထိခိုက်ဒဏ်ရာရသွားတယ်လို့ တောင်ကုတ်ဒေသခံတွေက ဆိုကြပါတယ်။

အဲဒီကင်းတောင်စံပြကျေးရွာကို ဒီနေ့မနက်မှာ စစ်ကောင်စီတပ်က လေကြော င်းတိုက်ခိုက်ခဲ့လို့ အရပ်သားလေးဦးသေဆုံးပြီး ဆယ့်သုံးဦးထိဒဏ်ရာရသွားသ လို ညနေသုံးနာရီအချိန်ကလည်း နောက်ထပ်လေကြောင်းတိုက်ခိုက်ခဲ့တာမို့ တစ်ဦးသေဆုံးပြီး ဆယ့်နှစ်ဦးထိဒဏ်ရာရသွားတယ်လို့ ဒေသခံတွေက ဆိုကြပါတယ်။

“ညနေကတည်းက လေယာဥ်ကဝဲနေတာပါ။ဒရုန်းတွေလည်း ဝဲနေတယ်။မနက်ပိုင်းမှာ ဗုံးချသွားတာ။အဲမှာ ကလေးတစ်ယောက်သေသွားတယ်။ဒဏ်ရာရသူတွေလည်းအများကြီးပါ။ကျနော်တို့လည်း ကြောက်လို့မထွက်ကြည့်ရဲဘူး။”လို့ တောင်ကုတ်ဒေသခံတစ်ဦးက Border News Agency သို့ ပြောပါတယ်။

အဲဒီတောင်ကုတ်မြို့နယ်ကို စစ်ကောင်စီတပ်က လေကြောင်းတိုက်ခိုက်တာတွေ နေ့တိုင်းလိုလို ပြုလုပ်နေတာမို့ အရပ်သားသေဆုံးဒဏ်ရာရတာတွေ များလာနေတယ်လို့ တောင်ကုတ်ဒေသခံတွေက ဆိုကြပါတယ်။

အဲဒီလိုရွယ်ရည်ချက်ရှိရှိ လေကြောင်းတိုက်ခိုက်နေတာမို့ အသက်မပြည့်သေးတဲ့ ကလေးငယ်တွေ၊သက်ကြီးရွယ်အိုတွေ သေဆုံး၊ဒဏ်ရာရနေကြသလို နေ အိမ်တွေ၊အဆောက်အအုံတွေလည်း ထိခိုက်ပျက်စီးသွားခဲ့တယ်လို့လည်း ဒေသခံတွေက ဆိုကြပါတယ်။

အဲဒီတောင်ကုတ်မြို့နယ်၊ကင်းတောင်စံပြကျေးရွာက အသက်ကိုးနှစ်အရွယ် မောင်ဇော်ဟိန်းကို၊ အသက်ခြောက် ဆယ့်ငါးနှစ်အရွယ်ဦးမောင်လှတင်၊အသ က်ငါးဆယ့်ခြောက်နှစ်အရွယ်ဒေါ်မြရီ၊အသက်ခုနှစ်ဆယ့်လေးနှစ်အရွယ်ဒေါ် မြကြည်တို့ သေဆုံးသွားခဲ့ကြတယ်လို့ ဆိုကြပါတယ်။

အဲဒီအပြင်အသက်ဆယ့်တစ်နှစ်အရွယ်မောင်ဇင်လင်းထက်၊အသက်ဆယ့်ခြောက်နှစ်အရွယ်မောင်ဝေလွင်ထက်ထက်အောင်၊အသက်နှစ်ဆယ့်သုံးနှစ်အရွယ်ကိုပြည်သိမ်းစံ၊အသက်သုံးဆယ့်တစ်နှစ်အရွယ်ဦးနေထက်လင်း၊အ သက်လေးဆယ်ရှစ်နှစ်အရွယ်ဦးစိုးထိုက်၊အသက်ငါးဆယ်နှစ်နှစ်အရွယ်ဒေါ်မြင့်မြင့်ကြူ၊အသက်ခုနှစ်ဆယ်နှစ်နှစ်အရွယ်ဦးထွေးကြည်၊အသက်ခုနှစ်ဆယ့်လေးနှစ်အရွယ်ဦးစံရွှေ၊အသက်ခုနှစ်ဆယ့်ခုနှစ်နှစ်အရွယ်ဦးတင်ထွန်း၊အသက်ခုနှစ်ဆယ်ခြောက်နှစ်အရွယ်ဒေါမြနွယ်၊အသက်ခုနှစ်ဆယ့်ရှစ်နှစ်အရွယ်ဒေါ်မတင်ညွန့် အသက်ရှစ်ဆယ်အရွယ်ဒေါ်မြင့်စိန်၊အသက်ရှစ်ဆယ်ကိုးနှစ်အရွယ်၊ဒေါ်မတင်ရွှီတို့ ဒဏ်ရာရရှိခဲ့ကြတယ်လို့ ဆိုကြပါတယ်။

”စစ်တပ်က တောင်ကုတ်ကို နေ့တိုင်းလိုလိုလာချနေတာပါ။ညဖက်လူတွေအိပ်နေကြချိန်တွေမှာ လာချကြတော့ လူတွေထိခိုက်သေဆုံးတာတွေများတာပါ။စစ်တပ်က အရပ်သားတွေကိုပစ်မှတ်ထားလိုရွာတွေကိုပဲ လာချနေတာ ပါ။”လို့ တောင်ကုတ်ဒေသခံတစ်ဦးက Border News Agency သို့ ပြောပါတယ်။

အဲဒီကင်းတောင်စံပြကျေးရွာကို အောက်တိုဘာလ ၃ ရက်၊ဒီနေ့ညနေ ၃ နာရီအ ချိန်ခန့်ကလည်း စစ်ကောင်စီတပ်က နောက်ထပ်လေကြောင်းတိုက်ခိုက်လာတာမို့ အသက်ဆယ့်ငါးနှစ်အရွယ် မအိခိုင်ဖြိုးသေဆုံးသွားခဲ့တယ်လို့ ဆိုကြပါတယ်။

အဲဒီအပြင်အသက်သုံးဆယ်အရွယ်ဒေါ် နွယ်နွယ်၊အသက်သုံးဆယ်ရှစ်နှစ်အရွယ်ဦးမောင်မြင့်ခင်၊အသက်ငါးဆယ်သုံးနှစ်အရွယ်ဒေါ်ကြွေရုပ်၊ဦးသာဟန်၊ဒေါ်သိန်းတင်၊ဦးတင်ဝင်း၊ဒေါ်မေကြန်၊ဦးတက်ထွန်း၊ဦးမောင်ကြီးအောင်၊ဒေါ်စမ်းမြင့်၊မနေဇင်ထွဋ်တို့ ဒဏ်ရာရရှိသွားခဲကြတယ်လို့ ဆိုကြပါတယ်။

အာရက္ခအဆုံးအဖြစ်စစ်ပွဲမှာ စစ်ကောင်စီတပ်ကလေကြောင်းပတိုက်ခိုက်လို့ အရပ်သားပြည်သူရာနဲ့ချီပြီး သေဆုံးဒဏ်ရာရရှိခဲ့ကြပြီး နေအိမ်တွေ၊စာသင် ကျောင်းတွေ၊ဘာသာရေးဆိုင်ရာအဆောက်အအုံတွေ၊ဆေးရုံ၊ဆေးပေးခန်းတွေ၊ရှေးဟောင်းအမွေအနှစ်တွေ၊ရှေးဟောင်းဘုရားပုထိုးတွေလည်း ထိခိုက်ပျက်စီးသွားခဲ့တယ်လို့ အာရက္ခပြည်သူတွေက ဆိုကြပါတယ်။

အဲဒီစစ်ကောင်စီတပ်ဟာ ပြည်သူလူထုရဲ့လူနေအိမ်တွေ၊ဆေးရုံတွေ၊စာသင် ကျောင်းတွေ၊သာသနိကအဆောက်အအုံတွေအပြင် အရင်အစိုးရလက်ထက် အသုံးပြုခဲ့ကြတဲ့ဌာနဆိုင်အဆောက်အအုံတွေကိုလည်း လက်နက်ကြီးပစ်ခတ်တာတွေ၊လေကြောင်းတိုက်ခိုက်တာတွေ၊ရေတပ်စစ်သင်္ဘောကြီးတွေက ပစ်ခ တ်တာတွေ ပြုလုပ်နေတုန်းပဲလို့ အာရက္ခတပ်တော်က ထုတ်ပြန်ထားပါတယ်။

(ဓာတ်ပုံ-စစ်ကောင်စီတပ်လေကြောင်းတိုက်ခိုက်လို့ပျက်စီးသွားတဲ့ကင်းတောင်ကျေးရွာ/APM)