Border News Agency
ချင်းမိုင်၊ စက်တင်ဘာ ၂၂။
ထိုင်းနိုင်ငံ၊ ချင်းမိုင်မြို့ Doi Inthanon အမျိုးသားဥယျာဉ်အတွင်း မင်္ဂလာအကြိုဓာတ်ပုံသွားရောက်ရိုက်ကူးတဲ့ မြန်မာစုံတွဲဟာ သတ်မှတ်လမ်းကြောင်းမှ သွေဖည်ကာ ရှားပါး Sphagnum ရေညှိပင်တွေကိုနင်းမိလို့ ဘတ်တသောင်းဒဏ်ရိုက်ခံရပါတယ်။
အဲဒီစုံတွဲဟာ အန်ကာသဘာဝလမ်းကြောင်းတံတားပေါ်မှ သုံးမီတာခန့်ဆင်းကာ Photoshoot ရိုက်ကူးခဲ့တာဖြစ်ပြီး ကိုယ်စားလှယ်ဖြစ်သူက ချွမ်ထောင်းမြို့နယ်ဥယျာဉ်ရုံးသို့သွားရောက်ကာ အပြစ်ဝန်ခံလို့ဒဏ်ငွေပေးဆောင်ခဲ့ပါတယ်။
အခြားခရီးသွားတဦးရဲ့ လူမှုကွန်ရက်ပေါ် တင်ပြချက်မှတဆင့် သာယာလှပတဲ့ဂေဟစနစ်ပျက်စီးမှုကို သတိပြုမိခဲ့ကြတာဖြစ်ပြီး တာဝန်ရှိသူတွေကစီစီတီဗီမှတ်တမ်းတွေစစ်ဆေးလို့ ရဲစခန်းမှာတိုင်ကြားခဲ့တာဖြစ်ပါတယ်။
အဲဒီဧရိယာဟာ ထိခိုက်လွယ်တဲ့သဘာဝပတ်ဝန်းကျင်ဖြစ်သောကြောင့် ပျက်စီးဆုံးရှုံးမှုကို ငွေကြေးနဲ့တန်ဖိုးဖြတ်ဖို့ခက်ခဲ့တယ်လို့ ဥယျာဉ်လက်ထောက်အကြီးအကဲက ပြောပါတယ်။
အဲဒီအပြင် ထိခိုက်သွားတဲ့ရေညှိပင်တွေနဲ့ ဂေဟစနစ်မူလအတိုင်းပြန်ဖြစ်ဖို့ ရာသီဥတုနဲ့စိုထိုင်းဆပေါ် များစွာမူတည်နေပါတယ်။
