Border News Agency
ကလေး၊စက်တင်ဘာ ၂၂။
စစ်ကိုင်းတိုင်း၊ကလေးမြို့၊ တပ်ဦးသီတာရပ်ကွက်၊ ဗိုလ်ချုပ်လမ်းမကြီးပေါ်ရှိ နှစ်ထပ်အဆောက်အအုံတလုံးမှာ စက်တင်ဘာလ၂၁ ရက်၊ ည ၁၁ နာရီ ၁၀ မိနစ်အချိန်ခန့်က မီးလောင်မှုဖြစ်ပွားခဲ့ပါတယ်။
မီးလောင်မှုဟာ ကမ္ဘာ့ရတနာဘဏ်ဘေးရှိ Apple ကွန်ပျူတာစာစီစာရိုက်နဲ့ မိတ္တူဆိုင်ရဲ့ အပေါ်ထပ်မှာစတင်ဖြစ်ပွားခဲ့တာဖြစ်ပါတယ်။
အဲဒီမီးလောင်မှုကို ကလေးခရိုင်နဲ့ မြို့နယ်မီးသတ်စခန်းမှ မီးသတ်ယာဉ်နှစ်စီး၊ ရေသယ်ယာဉ်နှစ်စီး၊ မီးသတ်တပ်ဖွဲ့ဝင်တွေနဲ့ ဒေသခံလူမှုကူညီရေးအသင်းတွေဝိုင်းဝန်းငြှိမ်းသတ်ခဲ့ကြပါတယ်။
မီးသတ်တပ်ဖွဲ့နဲ့ လူမှုကူညီရေးအသင်းတွေဝိုင်းဝန်းငြှိမ်းသတ်ခဲ့ရာ ည ၁၁ နာရီ ၄၅ မိနစ်ခန့်မှာ မီးငြိမ်းသွားခဲ့ပါတယ်။
မီးလောင်မှုကြောင့် အဆောက်အအုံအပေါ်ထပ်မှာပိတ်မိနေတဲ့ အမျိုးသမီးသုံးဦးသေဆုံးခဲ့ရပြီး ရုပ်အလောင်းတွေကို ပုညကုသလလူမှုကူညီရေးအသင်းနဲ့ ကရုဏာလူမှုကူညီရေးအသင်းတို့က ကလေးမြို့ ပြည်သူ့ဆေးရုံသို့ ပို့ဆောင်ပေးခဲ့ပါတယ်။
