Border News Agency
ထိုင်း၊စက်တင်ဘာ ၂၂။
ထိုင်းနိုင်ငံ၊ ချွန်ဘူရီခရိုင် Sattahip ကမ်းလွန်မှာ မြန်မာနှစ်ဆယ်ဦးနဲ့ထိုင်းနှစ်ဦးလိုက်ပါလာတဲ့ ငါးဖမ်းလှေတစီးနစ်မြုပ်ခဲ့ရာ သုံးဦးသေဆုံးပြီးလေးဦး ပျောက်ဆုံးနေပါတယ်။
အဲဒီငါးဖမ်းလှေဟာ စက်တင်ဘာလ၂၁ ရက်၊ ည ၁၀ နာရီအချိန်မှာနစ်မြုပ်ခဲ့တာဖြစ်ပြီး ဒီနေ့ မနက်ပိုင်းမှစလို့ အနီးဝန်းကျင်ရှိ ငါးဖမ်းလှေတွေက ရေလုပ်သားဆယ့်ငါးဦးကိုကယ်ဆယ်နိုင်ခဲ့ပါတယ်။
လှိုင်းလေထန်နေတာကြောင့် သေဆုံးသူတွေထဲကအသက်လေးဆယ်ငါးနှစ်အရွယ် ထိုင်းနိုင်ငံသား ဝီချန်မာယန်ရဲ့ ရုပ်အလောင်းကိုသာ ဆယ်ယူနိုင်သေးပြီး ကျန်ရုပ်အလောင်းနှစ်လောင်းရေထဲမှာပေါ်နေဆဲဖြစ်ပါတယ်။
အဲဒီအသက်ရှင်ကျန်ရစ်သူဆယ့်ငါးဦးနဲ့ ဆယ်ယူရရှိထားတဲ့ရုပ်အလောင်းတလောင်းကို Sattahip ရှိ ဆမာ့ဆန်ဆိပ်ကမ်းသို့ ပြန်လည်ခေါ်ဆောင်နေပါတယ်။
ရေတပ်ကွပ်ကဲရေးဌာနချုပ်က Tor.112 ကင်းလှည့်သင်္ဘော၊ ရဟတ်ယာဉ်နဲ့ရေငုပ်သမားတွေစေလွှတ်ပြီး ပျောက်ဆုံးနေသူလေးဦးကိုရှာဖွေနေသလို သက်ဆိုင်ရာကလှေနစ်မြုပ်ရတဲ့အကြောင်းရင်းကိုလည်း ဆက်လက်စုံစမ်းစစ်ဆေးနေပါတယ်။
