အာရက္ခတပ်တော်ရဲ့ ဂွမြို့နယ်သိမ်းတိုက်ပွဲ ကြွေချိုင်ကျေးရွာထိရောက်လာ
Border News Agency
ဂွ၊အောက်တိုဘာ ၂၀။
အာရက္ခ-ဧရာဝတီနယ်စပ်ကို အပြီးသတ်ထိန်းချုပ်မယ့် အာရက္ခတပ်တော်(AA)ရဲ့ ဂွမြို့နယ်သိမ်းတိုက်ပွဲဟာ အောက်တိုဘာလ ၂၀ ရက်၊ဒီနေ့မှာ ကြွေချိုင်ကျေးရွာထိ ရောက်လာပြီလို ဂွဒေသခံတွေက ဆိုကြပါတယ်။
အဲဒီကြွေချိုင်ကျေးရွာမှာ စခန်းချတပ်စွဲခုခံနေကြတဲ့စစ်ကောင်စီတပ်ဖွဲဝင်တွေကို အာရက္ခတပ်တော် (AA)က ဝင်ရောက်တိုက်ခိုက်တာကို စစ်ကောင်စီတ ပ်က လေကြောင်းအသုံးပြုခုခံပစ်ခတ်တာမို့ တိုက်ပွဲတွေ ပြင်းထန်နေတယ်လို့ ဒေသခံတွေက ဆိုကြပါတယ်။
အဲဒီကြွေချိုင်တိုက်ပွဲမှာ စစ်ကောင်စီတပ်က လေကြောင်းတိုက်ခိုက်လို့ ကျေးရွာအတွင်း မီးလောင်းတာတွေရှိနေပြီး စစ်ကောင်စီတပ်ဖွဲဝင်တွေသေဆုံးဒဏ်ရာရများပြားနေတာမို့ လေကြောင်းတိုက်ခိုက်မှုတွေ ပိုလုပ်လာနိုင်တယ်လို့ ဂွဒေသခံတွေက ဆိုကြပါတယ်။
”ကြွေချိုင်ရွာထဲကစစ်သားတွေကိုတပ်တော်ကဝင်တိုက်တာ။လေယာဥ်ကဗုံးလာချတာ။ရွာထဲမှာမီးလောင်နေတာ။စစ်သားတွေ သေကြတာပေါ့။တပ်တော်ကပိတ်ဆို့ပြီးတိုက်နေတာ။လေယာဥ်ကလာချမှာ။စစ်သားတွေထွက် ပြေးလိုမရတာ။”လို့ ဂွဒေသခံတစ်ဦးက Border News Agency သို့ ပြောပါတယ်။
အဲဒီဂွမြိုနယ်၊ကျိန္တလီမြိုကို အာရက္ခတပ်တော်က အပြီးသတ်သိမ်းပိုက်ထားပြီး ဂွမြို့သို ထိုးစစ်ဆင်တိုက်ခိုက်နေတာမို့ ကျိန္တလီ-ဂွကားလမ်းတလျှောက်မှာ စစ်ကောင်စီတပ်က လက်နက်ကြီးအထိုင်စခန်းတွေပြုလုပ်ပြီး အဆင့်ဆင့်ခုခံကာကွယ်နေတာလို ဂွဒေသခံတွေက ဆိုကြပါတယ်။
ဒါပေမယ့် အာရက္ခတပ်တော်က နယ်မြေကျွမ်းကျင်သလို ဂွဒေသခံပြည်သူတွေလည်း အားပေးထော က်ခံကြတာမို ကျိန္တလီ-ဂွကားလမ်းတလျှောက်ရှိ စစ်ကောင်စီတပ်ရဲ့လက်နက်ကြီးအထိုင်စခန်းတွေအပါအဝင် စစ်ကောင်စီတပ်စခန်းတွေကို တခုပြီးတခုတိုက်ခိုက်သိမ်းယူနေတာလို ဂွဒေသခံတွေက ဆိုကြပါတယ်။
အဲဒါကြောင့် ကျိန္တလီ-ဂွကားလမ်းတလျှောက်ရှိ စစ်ကောင်စီတပ်ရဲ့လက်နက်ကြီးအထိုင်စခန်းတွေအပါ အဝင် တပ်စခန်းအားလုံးကို တိုက်ခိုက်သိမ်းပိုက်ပြီး ဂွမြို့ကိုလည်း မကြာခင်အပြီးတိုက်ခိုက်သိမ်းပိုက်နိုင်လိမ့်မယ်လို ဆိုကြပါတယ်။
”စစ်တပ်က လေယာဥ်တွေ တအားသုံးပြီးခုခံနေတာ။တခါတလေရေတပ်ကလည်းလက်နက်ကြီးပစ်ကူတွေ ပေးသေးတာ။ကြေးရေလေပူးပေါင်းခုခံနေပေမယ့်တပ်တော်ကသိမ်းယူနေတာ။ဂွလည်းမကြာခင်ကျမှာပါပဲ။စစ်တပ်ကနောက်ပဲဆုတ်ပြေးနေကြရတာ။”လို့ ဂွမြို့ခံတစ်ဦးက Border News Agency သို့ ပြောပါတယ်။
အဲဒီဂွမြို့နယ်သိမ်းတိုက်ပွဲမှာ ဧရာဝတီတိုင်းအခြေ စိုက်စစ်ကောင်စီတပ်တွေလည်း အင်အားဖြည့်လာရောက်ပူးပေါင်းခုခံတိုက်ခိုက်ပေးကြပေမယ့် အာရက္ခတပ်တော်(AA)ရဲ့ထိုးစစ်ဆင်တိုက်ခိုက်မှုတွေကို ခုခံမကာကွယ်နိုင်ဘဲ စစ်ကောင်စီတပ်ဖွဲဝင်တွေ သေဆုံးဒဏ်ရာရသူတွေများပြီး နောက်ဆုတ်ထွက်ပြေးနေကြရတယ်လို ဆိုကြပါ တယ်။
အဲဒီ ဂွမြို့၊မြိုမရပ်ကွက်မှာ အမှတ် ၅၆၂ ခြေမြန်တပ်ရင်းနဲ့အမှတ် ၅၆၃ ခြေမြန်တပ်ရင်းနှစ်ရင်းရှိပေမယ့် စစ်ကောင်စီတပ်ဖွဲဝင်တွေသေဆုံးဒဏ်ရာရသူတွေများပြားနေတာမို့ ဧရာဝတီတိုင်းအခြေစိုက်စစ်ကောင်စီတပ်တွေကို အင်အားဖြည့်တပ်စောင့်ခိုင်းထားတယ်လို ဆိုကြပါတယ်။
အဲဒီဂွမြို့နယ်မှာ အာရက္ခတပ်တော်ရဲ့ထိုးစစ်ဆင်တိုက်ခိုက်သိမ်းပိုက်မှုတွေ ဆက်လက်ဖြစ်နေတာမို့ ဧရာဝတီတိုင်းထိ စစ်သည်အင်အားတိုးထားပြီး လုံခြုံရေးတင်းကြပ်ထားသလို ရခိုင်လူမျိုးတွေကို ဖမ်းဆီးစစ်ဆေးတာတွေ ပိုမိုပြုလုပ်နေတယ်လို့လည်း စစ်ဘေးရှောင်တွေက ဆိုကြပါတယ်။
အဲဒီဂွမြို့နယ်တခုလုံးကို အာရက္ခတပ်တော်က အပြီးသတ်တိုက်ခိုက်သိမ်းပိုက်ထိန်းချုပ်နိုင်သွားရင်း ဧရာဝတီတိုင်းထိ စစ်ရေးအရခြိမ်းခြောက်လာနိုင်သလို ကုန်းလမ်းဝင်ပေါက်လည်းပိတ်သွားပြီမို့စစ်ကောင်စီတပ်က ကြေးရေလေပူးပေါင်းပြီး အပြင်းထန်ဆုံးခုခံကာကွယ်နေတာလို စစ်ကောင်စီတပ်အသိုင်းအဝိုင်းက ဆိုကြပါတယ်။
(ဓာတ်ပုံ-ကျိန္တလီ-ဂွကားလမ်းရှိ တောင်ယာစိုက်ခင်းတနေရာ/BNA)
