Border News Agency
အမေရိကန်၊ ဖေဖော်ဝါရီ ၂၈။
အမေရိကန်သမ္မတ ဒေါ်နယ်ထရမ့်က အီရန်နိုင်ငံရဲ့ ရေတပ်အင်အားစုတွေနဲ့ ဒုံးကျည်ထုတ်လုပ်ရေး လုပ်ငန်းစုအားလုံးကို အမြစ်ပြတ်ချေမှုန်းသွားမယ်လို့ အရေးပေါ် ထုတ်ဖော်ကြေညာလိုက်ပါတယ်။
အမေရိကန်နဲ့ အစ္စရေးပူးပေါင်းတပ်ဖွဲ့တွေဟာ အီရန်မြို့တော်တီဟီရန်အပါအဝင် အရေးပါတဲ့စစ်ရေးပစ်မှတ်တွေကို အကြီးစားစစ်ဆင်ရေးအဖြစ်တိုက်ခိုက်နေပြီး မြို့တော်အတွင်းမှာလည်း ပြင်းထန်တဲ့ပေါက်ကွဲမှုတွေ ဆက်တိုက်ဖြစ်ပွားနေပါတယ်။
အီရန်သတင်းဌာနတွေရဲ့ ဖော်ပြချက်အရ တီဟီရန်မြို့ရဲ့ နေရာအတော်များများမှာ ဖုန်းလိုင်းတွေပြတ်တောက်နေသလို၊ လေကြောင်းလိုင်းအားလုံးကိုလည်း အရေးပေါ် ပိတ်လိုက်ရတယ်လို့ သိရပါတယ်။
ဒီစစ်ဆင်ရေးဟာ အီရန်ရဲ့ နျူကလီးယား ရည်မှန်းချက်တွေနဲ့ ဒေသတွင်း ခြိမ်းခြောက်မှုတွေကိုဖယ်ရှားဖို့အတွက် ထရမ့်အစိုးရအဖွဲ့က တရားဝင်စစ်ကြေညာခဲ့ပြီးနောက်ပိုင်း ပေါ်ပေါက်လာတာလည်း ဖြစ်ပါတယ်။
အီရန်လွှတ်တော်အမတ်တွေကတော့ ဒီတိုက်ခိုက်မှုအပေါ် ပြင်းထန်တဲ့ တုံ့ပြန်မှုတွေရှိလာမယ်လို့ သတိပေးထားပြီး အရှေ့အလယ်ပိုင်းဒေသဟာ ထိန်းချုပ်မရတဲ့ စစ်မီးအောက်ကို ရောက်ရှိသွားပြီလို့သိရပါတယ်။
