Border News Agency
လယ်ကဆော၊ မတ် ၉။

တနင်္သာရီတိုင်း၊ လယ်ကဆောမြို့နယ်မှာ စစ်ကော်မရှင်တပ်နဲ့ KNLA ပူးပေါင်းတပ်ဖွဲ့တွေကြား တိုက်ပွဲဖြစ်ပွားခဲ့တယ်လို့ KNUမှ မတ်လ ၉ရက်၊မနေ့ ကထုတ်ပြန်ပါတယ်။

လယ်ကဆောမြို့နယ်အတွင်းရှိ လေညာ-ရတနာပုံလမ်းပိုင်း မိုင်တိုင် ၅ မိုင်အနီးမှာ မတ်လ ၉ ရက်၊မနက် ၁၀ နာရီအချိန်ခန့်က စစ်ကြောင်းထိုးဝင်‌ရောက်လာတဲ့ စစ်ကော်မရှင်တပ်နဲ့ KNLA တပ်ဖွဲ့တို့ တိုက်ပွဲဖြစ်ပွားခဲ့တာလို့ ဆိုပါတယ်။

စစ်ကော်မရှင်တပ်ရဲ့ တပ်ရင်း ၅၅၉၊ ၅၆၀၊ ၃၅၈၊ ၂၂၄ တို့ပါဝင်တဲ့ ပူးပေါင်းစစ်ကြောင်းနဲ့ KNLA တပ်မဟာ ၄ ၊ တပ်ရင်း ၂၀၃နဲ့ တော်လှန်ရေးပူး‌ပေါင်းတပ်ဖွဲ့တွေအကြားတိုက်ပွဲဖြစ်ပွားခဲ့တာလို့ ဆိုပါတယ်။

အဲဒီတိုက်ပွဲအတွင်း စစ်ကော်မရှင်တပ်ဘက်မှ ၄ ဦးသေဆုံးပြီး ၁၀ ဦးထက်မနည်းထိခိုက်ဒဏ်ရာရသွားခဲ့ပြီး MA-1 တလက်၊ MA-3 နှစ်လက်နဲ့ လက်နက်ခဲယမ်းအချို့ကိုလည်း သိမ်းဆည်းရမိခဲ့တယ်လို့ ဆိုပါတယ်။