Border News Agency
ခင်ဦး၊ ဧပြီ ၈ ။
စစ်ကိုင်းတိုင်း၊ ခင်ဦးမြို့နယ်မှာ အထိုင်ချတပ်စွဲထားတဲ့ စစ်ကော်မရှင်တပ်ဖွဲ့ဝင်တဦးဟာ ဧပြီ ၇ ရက်နေ့မှာလက်နက်နဲ့အတူ ပြည်သူ့ကာကွယ်ရေးအဖွဲ့ (ပကဖ) ဆီ အလင်းဝင်လာခဲ့တယ်လို့ ထုတ်ပြန်ပါတယ်။
အဲဒီတပ်ဖွဲ့ဝင်ဟာ ခင်ဦးမြို့ပေါ်ရှိ အထက်တန်းကျောင်းမှာ တပ်စွဲထားတဲ့အဖွဲ့ကဖြစ်ပြီး ခင်ဦးမြို့နယ် ပကဖ (UG အဖွဲ့) နဲ့ ကြိုတင်ချိတ်ဆက်ကာ ထွက်ပြေးလွတ်မြောက်လာခဲ့တာလို့ဆိုပါတယ်။ အဲဒီလိုအလင်းဝင်လာချိန်မှာ MA-1 သေနတ်တလက်ကိုပါ ယူဆောင်လာခဲ့တဲ့အတွက် ခင်ဦးမြို့နယ် ပကဖ ကဂုဏ်ပြုဆုငွေ ကျပ် ၂၅ သိန်း ပေးအပ်ချီးမြှင့်ခဲ့တယ်လို့ဆိုပါတယ်။
အဲဒီအလင်းဝင်လာတဲ့ စစ်ကော်မရှင်တပ်ဖွဲ့ဝင်ကို ဘေးကင်းလုံခြုံတဲ့နေရာမှာ စနစ်တကျ စောင့်ရှောက်ထားတယ်လို့ ဆိုပါတယ်။
ခင်ဦးမြို့နယ်အတွင်းမှာ စစ်ကော်မရှင်ဘက်က တပ်ဖွဲ့ဝင်တွေဟာ ပြည်သူ့ကာကွယ်ရေးတပ်ဖွဲ့တွေနဲ့ ဆက်သွယ်ပြီး အလင်းဝင်ရောက်မှုတွေ မကြာခဏ ရှိနေပါတယ်။
