Border News Agency
ဒူဘိုင်း၊ ဧပြီ ၉ ။
အီရန်ပိုင်ကျွန်းတွေပေါ်က ရေနံချက်စက်ရုံတွေကို ဧပြီလ ၈ ရက်၊မနက်ပိုင်းမှာယူအေအီး (UAE)ကတိုက်ခိုက်ခဲ့တာကြောင့် အီရန်ဘက်က ဒုံးကျည်တွေ၊ ဒရုန်းတွေနဲ့ ချက်ချင်း လက်တုံ့ပြန် တိုက်ခိုက်ခဲ့တယ်လို့ ဒေသတွင်းမီဒီယာတွေမှာဖော်ပြပါတယ်။
အီရန်ဟာ ကမ္ဘာ့ရေနံသယ်ယူပို့ဆောင်ရေးရဲ့ အဓိကဗဟိုချက်ဖြစ်တဲ့ ယူအေအီးနိုင်ငံ၊ ဖူဂျိုင်ရာမြို့ က ရေနံသိုလှောင်ရုံတွေနဲ့ ဗျူဟာမြောက် ပစ်မှတ်တွေကို ဒုံးကျည်တွေနဲ့ ပစ်ခတ်ခဲ့တာ ဖြစ်ပါတယ်။
ယူအေအီးဘက်က Mirage-2000-9 တိုက်လေယာဉ်တွေသုံးပြီး အီရန်ရဲ့ အရည်အသွေးမြင့် ရေနံထုတ်လုပ်ရာနေရာတွေကို အရင်စတင်တိုက်ခိုက်ခဲ့တာဖြစ်တယ်လို့ အီရန်စစ်ဘက်က အခိုင်အမာ ပြောဆိုထားပါတယ်။
အီရန်အရာရှိတွေကတော့ ယူအေအီးအနေနဲ့ စစ်တိုက်ချင်ရင် နောက်ကွယ်ကနေ ခိုးကြောင်ခိုးဝှက်မလုပ်ဘဲ တိုက်ရိုက်ရင်ဆိုင်ဖို့ သတိပေးထားသလို နောက်ထပ်တိုက်ခိုက်မှုတွေရှိလာရင် ယူအေအီးတနိုင်ငံလုံး ပျက်စီးသွားတဲ့အထိ တုံ့ပြန်မယ်လို့ ခြိမ်းခြောက်လိုက်ပါတယ်။
အမေရိကန်ဘက်ကတော့ ဒီတိုက်ခိုက်မှုတွေမှာ သူတို့နဲ့ အစ္စရေးတို့ လုံးဝပတ်သက်မှုမရှိဘူးလို့ အီရန်ဘက်ကို အကြောင်းကြားပြီး ငြင်းဆိုထားတယ်လို့သိရပါတယ်။
