Border News Agency
မင်းတုန်း၊ အောက်တိုဘာ ၂၃။
မကွေးတိုင်း၊မင်းတုန်းမြို့နယ်ကိုအာဏာသိမ်းစစ်တပ်လေကြောင်းတိုက်ခိုက်လို့အရပ်သားတဦး သေဆုံးပြီး နှစ်ဦးဒဏ်ရာရသွားခဲ့တယ်လို့ သရက်ခရိုင် အမှတ် ၄ တပ်ရင်းကထုတ်ပြန်ပါတယ်။
မင်းတုန်းမြို့နယ်၊ ရွာသစ်ကျေးရွာနဲ့ငှက်ပျင်းကျေးရွာအကြား စားဝတ်နေရေးအတွက် သွားလာလုပ်ကိုင်နေကြတဲ့ ပြည်သူတွေကို အောက်တိုဘာလ ၂၂ ရက်၊ညနေ ၅ နာရီအချိန်ကပါရာမော်တာသုံးစီးနဲ့ တိုက်ခိုက်ခဲ့တာဖြစ်ပါတယ်။
အဲဒီလေကြောင်းတိုက်ခိုက်မှုကြောင့် ကြို့ဝကျေးရွာမှ အသက်နှစ်ဆယ့်ငါးနှစ်အရွယ် မောင်ဖိုးလမင်းသေဆုံးခဲ့ပြီး အသက်ခြောက်ဆယ်နှစ်နှစ်အရွယ် ဦးကြည်ဝင်း နဲ့အသက် လေးဆယ်ခုနှစ်နှစ်အရွယ် ဦးအောင်မြိုင်တို့ ဒဏ်ရာရသွားခဲ့ပါတယ်။
အာဏာသိမ်းစစ်တပ်ဟာ မင်းတုန်းမြို့နယ်အတွင်း စစ်ရေးပစ်မှတ်မဟုတ်တဲ့ အရပ်သားပြည်သူတွေသွားလာနေထိုင်ရာနေရာတွေကို ရည်ရွယ်ချက်ရှိရှိ လေကြောင်းတိုက်ခိုက်တာတွေပြုလုပ်နေတယ်လို့ပါတယ်။
