Border News Agency
တီဟီရန်၊ ဧပြီ ၉ ။
လက်ဘနွန်မှာ အစ္စရေးဘက်က အပစ်အခတ်ရပ်စဲရေးကို ချိုးဖောက်ခဲ့တယ်လို့ ဆိုပြီး ဟော်မုဇ်ရေလက်ကြားကနေ သင်္ဘောတွေ သွားလာမှုကို ရပ်တန့်လိုက်တယ်လို့ အီရန်တော်လှန်ရေးအစောင့်တပ် (IRGC) ကဧပြီလ ၉ ရက်၊ဒီနေ့မှာ ကြေညာလိုက်ပါတယ်။
အမေရိကန်နဲ့ အီရန်ကြား နှစ်ပတ်ကြာ အပစ်ရပ်စဲဖို့ သဘောတူထားပေမဲ့ လက်ရှိမှာတော့ ဟော်မုဇ်ရေလက်ကြားကို ဖြတ်သ
န်းနေတဲ့ သင်္ဘောတစီးမှ မရှိတော့ဘူးလို့ Marine Traffic ရဲ့ အချက်အလက်တွေမှာ ဖော်ပြနေပါတယ်။
အစ္စရေးဘက်က လက်ဘနွန်ကို အကြီးအကျယ် ဗုံးကြဲတိုက်ခိုက်ခဲ့ပြီးနောက် မိနစ်ပိုင်းအကြာမှာပဲ ရေလက်ကြားအတွင်း သင်္ဘောသွားလာမှုအားလုံးကို အီရန်ဘက်က ရပ်ဆိုင်းပစ်ခဲ့တာ ဖြစ်ပါတယ်။
အိမ်ဖြူတော်ဘက်ကတော့ လက်ဘနွန်ဟာ အမေရိကန်နဲ့ အီရန်ကြားက အပစ်ရပ်သဘောတူညီချက်မှာ မပါဝင်ဘူးလို့ တုံ့ပြန်ထားပေမဲ့ အီရန်ဘက်ကတော့ ရေလက်ကြားကို သူတို့ကပဲ ဆက်လက်ထိန်းချုပ်သွားမယ်လို့ ဆိုပါတယ်။
ရေလက်ကြားကို ပိတ်လိုက်တာကြောင့် ဖြတ်သန်းဖို့ စီစဉ်ထားတဲ့ သင်္ဘောတွေဟာ လမ်းကြောင်းပြောင်းပြီး နောက်ကြောင်းပြန်လှည့်သွားခဲ့ရသလို အီရန်ပိုင် ဆီတင်သင်္ဘောအချို့သာ အစောပိုင်းက ဖြတ်သန်းနိုင်ခဲ့တယ်လို့ သိရပါတယ်။
