Border News Agency
နေပြည်တော်၊ ဧပြိီ ၁၀။
နိုင်ငံတော်သမ္မတအဖြစ် ရွေးချယ်ခံရတဲ့ စစ်ခေါင်းဆောင် မင်းအောင်လှိုင်ဟာ ဒုတိယသမ္မတတွေဖြစ်တဲ့ ဦးညိုစော၊ ဒေါ်နန်းနီနီအေးတို့နဲ့အတူ ဧပြီ ၁၀ ရက်၊ ဒီနေ့မနက်ပိုင်းက ပြည်ထောင်စုလွှတ်တော်မှာ ကျမ်းသစ္စာကျိန်ဆိုလိုက်ပါတယ်။
အဲဒီကျမ်းသစ္စာကျိန်ဆိုပွဲအပြီးမှာတော့ အမျိုးသားကာကွယ်ရေးနဲ့ လုံခြုံရေးကောင်စီ (ကာလုံ) အပါအဝင် နိုင်ငံတော်စီမံအုပ်ချုပ်ရေးကောင်စီ (နစက) အစား ဖွဲ့စည်းထားတဲ့ အဖွဲ့အစည်းတွေကို ဖျက်သိမ်းကြောင်း လွှတ်တော်နာယကက တရားဝင် ကြေညာခဲ့ပါတယ်။
မင်းအောင်လှိုင်ဟာ မြန်မာနိုင်ငံရဲ့ ၁၁ ဦးမြောက် သမ္မတအဖြစ် တာဝန်ယူလိုက်တာဖြစ်ပြီး အစိုးရအဖွဲ့ဝင်သစ်တွေဖြစ်တဲ့ ပြည်ထောင်စုဝန်ကြီး ၃၀ ဦးနဲ့ တရားသူကြီးချုပ်တို့ကလည်း နာယကရှေ့မှောက်မှာ ကတိသစ္စာပြုခဲ့ကြတယ်လို့ ဆိုပါတယ်။
အဲဒီအခမ်းအနားကို တရုတ်၊ အိန္ဒိယ၊ ထိုင်း၊ ရုရှားနဲ့ ဂျပန်နိုင်ငံတို့က အစိုးရကိုယ်စားလှယ်တွေ တက်ရောက်ခဲ့ကြပြီး၊ အာဏာသိမ်းပြီးနောက်ပိုင်း အစိုးရယန္တရားသစ်ကို တရားဝင်ပြောင်းလဲဖွဲ့စည်းလိုက်တာပဲ ဖြစ်ပါတယ်။
