Border News Agency
နေပြည်တော်၊ ဧပြီ ၁၀ ။
နိုင်ငံတော်သမ္မတအဖြစ် ကျမ်းသစ္စာကျိန်ဆိုပြီးတဲ့နောက် စစ်ခေါင်းဆောင် မင်းအောင်လှိုင်ဟာ အစိုးရအဖွဲ့သစ်အတွက် အကြံပေးရမယ့် ပြည်ထောင်စုအတိုင်ပင်ခံကောင်စီကို အဖွဲ့ဝင် ၁၁ ဦးနဲ့ ဧပြီလ ၁၀ ရက်၊ဒီနေ့မှာအသစ်ဖွဲ့စည်းလိုက်ပါတယ်။
အဲဒီကောင်စီမှာ ဒုတိယတပ်မတော်ကာကွယ်ရေးဦးစီးချုပ်(ငြိမ်း) ဖြစ်သူ ဦးစိုးဝင်း ကဥက္ကဋ္ဌအဖြစ် တာဝန်ယူပြီး ဗိုလ်ချုပ်ကြီး မောင်မောင်အေး(ငြိမ်း)က အတွင်းရေးမှူးအဖြစ် ပါဝင်လာတာကို တွေ့ရပါတယ်။
အဲဒီထဲပြည်သူ့ပါတီဥက္ကဋ္ဌ ဦးကိုကိုကြီး အပါအဝင် ဒေါ်ချိုချိုကျော်ငြိမ်း၊ဒေါက်တာရင်ရင်နွယ်တို့လို နိုင်ငံရေးနဲ့ပညာရပ်ဆိုင်ရာ နယ်ပယ်က ပုဂ္ဂိုလ်တွေလည်း ကောင်စီဝင်တွေအဖြစ် ခန့်အပ်ခံရပါတယ်။
ဒါ့အပြင် ဦးသန်းဆွေ၊ ဦးကိုကိုလှိုင်၊ ဦးမိုးအောင်၊ မန်းငြိမ်းမောင်၊ ဒေါ်ဒွဲဘူနဲ့ ဦးဇော်အေးမောင်တို့လည်းကောင်စီဝင်တွေအဖြစ် ပါဝင်လာကြပြီး စုစုပေါင်း အဖွဲ့ဝင် ၁၁ ဦးနဲ့ စတင်ဖွဲ့စည်းလိုက်တာ ဖြစ်ပါတယ်။
အခုဖွဲ့စည်းလိုက်တဲ့ အတိုင်ပင်ခံကောင်စီဟာ ယခင်ကရှိခဲ့တဲ့ အကြံပေးအဖွဲ့တွေထက် ပိုမိုကျယ်ပြန့်တဲ့ ပုံစံမျိုးတွေ့ရပြီး စစ်ဘက်နဲ့ အရပ်ဘက် ပုဂ္ဂိုလ်တွေကို ရောနှောဖွဲ့စည်းထားတာပဲ ဖြစ်ပါတယ်။
