Border News Agency
မန္တလေး၊ဩဂုတ် ၂၀။
မန္တလေးတိုင်း၊ ညောင်ဦးမြို့နယ်မှာ သြဂုတ်လ ၂၀ ရက်၊ဒီနေ့ မိုးသည်းထန်စွာရွာသွန်းပြီး တောင်ကျရေစီးဆင်းလာတာကြောင့် ညောင်ဦး-ကျောက်ပန်းတောင်း ကားလမ်းရေကျော်နေပါတယ်။
အဲဒီညောင်ဦးမြို့နယ်၊ တောင်ဇင်းနယ်မြေ၊ စာပို့ချောင်းရေကျော်နေရာမှာ ဒီနေ့ နေ့လည် ၃ နာရီအချိန်ကစပြီး ကားလမ်းပေါ် ရေကျော်တက်လာခဲ့တာပါ။
အဲဒီရေကျော်မှုကြောင့် လမ်းပိုင်းအတွင်းဖြတ်သန်းသွားလာနေတဲ့ ကား၊ ဆိုင်ကယ်နဲ့ ဒေသခံခရီးသွားပြည်သူတွေ သွားလာရေးအခက်အခဲဖြစ်နေပါတယ်။
အဲဒီလမ်းမှာခရီးသွားပြည်သူတွေ ဘေးအန္တရာယ်ကင်းရှင်းစွာသွားလာနိုင်ရေးအတွက် တောင်ဇင်းနယ်မြေမီးသတ်တပ်ဖွဲ့ဝင်တွေ ကူညီဆောင်ရွက်ပေးနေပါတယ်။
