Border News Agency
မောင်တော၊ ဩဂုတ် ၂၀။
အာရက္ခတပ်တော်(AA)ထိန်းချုပ်ထားတဲ့ မောင်တောမြို့နယ်၊ကြိမ်ချောင်းရွာမှာ မိုးဆက်တိုက်ရွာပြီး ပြူးမချောင်းထဲတောင်ကျရေတွေ အရှိန်နဲ့စီးဝင်လာတာကြောင့် ဩဂုတ်လ ၁၇ ရက်နေ့ကတည်းက ကမ်းပါးတွေ ဆက်တိုက်ပြိုကျနေပါတယ်။
အဲဒီကမ်းပါးပြိုကျမှုကြောင့် ကြိမ်ချောင်းရွာတောင်ဘက်ရှိ တိုက်နယ်ဆေးရုံအပြင် အနီးရှိအိမ်ငါးဆောင်နဲ့ ဆိုင်ခန်းတချို့ပါသွားမှာကို ဒေသခံတွေစိုးရိမ်နေကြရတာပါ။
အဲဒီအပြင်ရေတိုက်စားမှုကြောင့် ဆေးရုံအုတ်တံတိုင်းနဲ့ ရှေ့လမ်းပိုင်းတချို့ပျက်စီးသွားခဲ့ပြီး သွားလာရပါ ခက်ခဲနေပါတယ်။
အဲဒီကြိမ်ချောင်းရွာဟာ နှစ်တိုင်းမိုးရာသီမှာ ရေတိုက်စားလေ့ရှိပေမယ့်အရင်နှစ်တွေထက်ပိုဆိုးနေတာပါ။
အဲဒီကမ်းပါးတွေဆက်ပြိုနေတာကြောင့် ချောင်းဘေးရှိအဆောက်အအုံတွေထပ်ပျက်စီးသွားမှာကို စိုးရိမ်နေကြပါတယ်။
