Border News Agency
ထိုင်း၊ ဩဂုတ် ၂၀။
ထိုင်းနိုင်ငံ၊မယ်ဟောင်ဆောင်ခရိုင်၊စိုပ်မေမြို့နယ်၊မဲခထွန်ကျေးရွာအုပ်စု၊ဘန်းခွန်ဖိန်းရွာမှာ သြဂုတ်လ ၂၀ ရက်၊ဒီနေ့ မိုးသည်းထန်စွာ ဆက်တိုက်ရွာသွန်းမှုကြောင့် တောင်ကျရေလျှံမှုနဲ့ မြေပြိုမှုတွေဖြစ်ပွားခဲ့ပါတယ်။
အဲဒီမြေပြိုမှုကြောင့် ဒေသခံတွေရဲ့လူနေအိမ်အချို့ မြေစာပိဝင်ရောက်ခဲ့ပြီး ပြည်သူငါးဦးဒဏ်ရာရရှိခဲ့တာပါ။
ဖြစ်စဉ်ဖြစ်ပွားပြီးနောက် မိုဘိုင်းအရေးပေါ်ကူညီကယ်ဆယ်ရေးအဖွဲ့နဲ့ နယ်မြေခံအုပ်ချုပ်ရေးအဖွဲ့တို့ ပူးပေါင်းပြီး အခင်းဖြစ်ပွားရာနေရာမှာ အရေးပေါ်ရှေးဦးပြုစုပေးမှုတွေပြုလုပ်ခဲ့ကြပါတယ်။
အဲဒီအပြင်ဒဏ်ရာရရှိသူငါးဦးလုံးကို အရေးပေါ် ဆေးဝါးကုသမှုခံယူနိုင်ရေးအတွက် စိုပ်မေဆေးရုံသို့ အမြန်ဆုံးပို့ဆောင်ပေးခဲ့ပါတယ်။
ခုလက်ရှိမှာတော့ သက်ဆိုင်ရာကူညီကယ်ဆယ်ရေး အဖွဲ့တွေကဒေသအတွင်း ပျောက်ဆုံးသူတွေ ရှိ၊ မရှိ ထပ်မံရှာဖွေရေးနဲ့ ကူညီကယ်ဆယ်ရေးလုပ်ငန်းတွေကိုဆောင်ရွက်နေကြပါတယ်။
