ရိုဟင်ဂျာသွေးစည်းညီညွတ်ရေးအဖွဲ့ (Rohingya Solidary Organization) ကို ဘင်္ဂလားဒေ့ရှ်နိုင်ငံ၊ကော့ဘဇားခရိုင်၊နက်ဖ်ချောင်းဆရီမြို့အနီးတောတွင်းမှာ စစ်ရေးလေ့ကျင့်ပေးနေတယ်လို့ ရိုဟင်ဂျာအသိုင်းအဝိုင်းက အတည်ပြုပြောကြပါတယ်။
အဲဒီအဖွဲ့ဟာ မောင်တောခရိုင်သိမ်းတို က်ပွဲတွေမှာ အာဏာသိမ်းစစ်တပ်နဲ့ပူးပေါင်းပြီး အာရက္ခတပ်တော်ကို တိုက်ခိုက်ခဲ့ကြသလို အာရက္ခ-ဘင်္ဂလာနယ်စပ်တလျှောက်မှာအကြမ်းဖက်မှုတွေဆက်လက်ကျူးလွန်နေကြသေးတယ်လို့လည်း ရိုဟင်ဂျာအသိုင်းအဝိုင်းက ဆိုကြပါတယ်။
အဲဒီအဖွဲ့ဟာ ”မူဂျာဟစ်ဒင်” အမည်နဲ့စ တင်လှုပ်ရှားခဲ့ပြီး ”မူဂျာဟစ်ဒင်” ဆိုတာအာရဗီ (Arabic) အသုံးအနှုန်းဖြစ်ကာ ‘‘မိမိရဲ့တိုင်းပြည်နဲ့အစ္စလာမ်သာသနာ အတွက် တိုက်ခိုက်သူ” လို့ အဓိပ္ပာယ်ရကြောင်း စာတမ်းတချို့မှာ ရေးသားထားပါတယ်။
သူတို့ဟာ ဘူးသီးတောင်၊ မောင်တောဒေသမှာ ၁၉၄၈ ခုနှစ်ကစတင်လှုပ်ရှားခဲ့ကြပြီး အဲဒီလှုပ်ရှားမှုဟာ ၁၉၆၁ မှာအဆုံးသတ်ပျောက်ကွယ်ခဲ့ပါတယ်။
ဒါပေမယ့် ၁၉၈၀ နှစ်အစောပိုင်းမှာ ရိုဟင်ဂျာမျိုးချစ်တပ်ဦး (Rohingya Patr iotic Front – RPF) အမည်နဲ့လှုပ်ရှားလာခဲ့ကြပြီးမိုဟာမက်ယူနွတ်ဆိုသူ ဦးဆောင်ကာ RSO အမည်ကို အသုံးပြုလှုပ်ရှားလာခဲ့ကြပါတယ်။
အဲဒီအဖွဲ့ဟာ ဘာသာရေးအပေါ်အခြေ ပြုလှုပ်ရှားတာမို့ ကမ္ဘာ့မွတ်ဆလင်အဖွဲ့အစည်းတွေက အထောက်အပံ့တွေရရှိလာခဲ့ပါတယ်။
RSO နဲ့ ARIF ပူးပေါင်းပြီး ၁၉၉၈ ခုနှစ်၊အောက်တိုဘာလ ၂၈ ရက်နေ့တွင် ရိုဟင်ဂျာအမျိုးသားကောင်စီ (Rohingya National Council – RNC) ကို ဖွဲ့စ ည်းခဲ့ကြပြီ သူတို့ဟာလက်နက်ကိုင်အဖွဲ့အဖြစ် ရိုဟင်ဂျာအမျိုးသားတပ်မတော် (Rohingya National Army – RNA) ကို ဖွဲ့စည်းခဲ့ကြပါတယ်။
အဲဒီအဖွဲ့ဟာ မောင်တောမြို့နယ်တောင်ပိုင်း၊ အလယ်သံကျော်ကျေးရွာမှာ အစည်းအဝေးလုပ်ပြီး ကုလားတန်မြစ်အ နောက်ဖက်ကမ်းကို သီးခြားနယ်မြေအ ဖြစ်တောင်းဆိုချက်အပါအဝင် အချ က်တချို့ကို တောင်းဆိုခဲ့ကြပါတယ်။
အဲဒီ RSO စစ်စခန်းတွေဟာ ဘင်္ဂလားဒေ့ရှ်နိုင်ငံတောင်ပိုင်း Cox’s Bazaar ခရိုင်မှာတည်ရှိခဲ့ဖူးပြီး ဘီဘီစီမြန်မာပို င်းကို တာဝန်ခံကိုကိုလွင်က ရုပ်သံအင်တာဗျူးဖြေဆိုထားပါတယ်။
အဲဒီအဖွဲ့ဟာ ဘင်္ဂလားဒေ့ရှ်နိုင်ငံမှာအ ခြေစိုက်စစ်ပညာသင်နေကြပြီး အာရက္ခ-ဘင်္ဂလားနယ်စပ်တလျှောက်မှာလှုပ်ရှားနေကြပြီး မောင်တောဒေသကို သိမ်းယူဖို့ စစ်သည်အင်အားစုဆောင်စစ်ရေးပြင်ဆင်နေကြတယ်လို့ ရိုဟင်ဂျာအသိုင်းအဝိုင်းက ဆိုကြပါတယ်။
သူတို့စစ်သင်တန်းအပါအဝင်စစ်ရေးလှုပ်ရှားမှုတွေကို လူမှုကွန်ရက်တွေမှာမကြာခဏတင်နေကြပါတယ်။
