အာရက္ခတပ်တော် (AA) သိမ်းပိုက်ထိန်းချုပ်ထားတဲ့ အမ်းမြို့နယ်၊ တပ်တောင်မြို့မှာ ဖေဖော်ဝါရီလ ၁၆ ရက်နေ့က စစ်ကောင်စီတပ်ထောင်ထားခဲ့တဲ့ မြေမြုပ်မိုင်းနင်းမိလို့ အရပ်သားတဦးသေဆုံးပြီးတဦးဒဏ်ရာရသွားတယ်လို့ ဒေသခံတွေက ဆိုကြပါတယ်။
အဲဒီတပ်တောင်မြို့၊ အမှတ် ၃ ရပ်ကွက်က အသက်တဆယ့်ရှစ်နှစ်အရွယ်ကိုညီညီစိုးသေဆုံးသွားပြီးအသက်တဆယ့်ရှ စ်နှစ်အရွယ်ကိုကျော်ဝင်းထွန်းမှာ ဒဏ်ရာအပြင်းအထန်ရသွားတယ်လို့ ဒေသ ခံတွေက ဆိုကြပါတယ်။
အဲဒီကိုညီညီစိုးနဲ့ကိုကျော်ဝင်းထွန်းဟာ ဖေဖော်ဝါရီလ ၁၆ ရက်၊ညနေ ၅ နာရီကျော်အချိန်ခန့်က တပ်တောင်မြို့၊ တယ်လီနော်တာဝါတိုင်တောင်ကို ပိန္နဲသီးခူးဖို့သွားရာမှာ စစ်ကောင်စီတပ်ထောင် ထားခဲ့တဲ့မြေမြုပ်မိုင်းနင်းမိပြီးသေဆုံး၊ ဒဏ်ရာရသွားတာဖြစ်တယ်လို့ ဒေသခံတွေကဆိုကြပါတယ်။
အဲဒီကိုညီညီစိုးမှာ ညာဖက်ခြေထောက်ပြတ်ထွက်သေဆုံးသွားခဲ့ပြီးကိုမောင်ကျော်ဝင်းထွန်းရဲ့ဘယ်ဖက်လက်၊ ညာဖက်ပေါင်နဲ့ကျောကုန်းမှာ ဒဏ်ရာပြင်း ထန်ရသွားတယ်လို့ ဒေသခံတွေကဆိုကြပါတယ်။
အာရက္ခတပ်တော် (AA) သိမ်းပိုက်ထိန်းချုပ်ထားတဲ့တောင်ကုတ်မြို့နယ်မှာလည်း ဖေဖော်ဝါရီလ ၁၅ ရက်နေ့က စစ်ကောင်စီတပ်ထောင်ထားခဲ့တဲ့မြေမြုပ်မိုင်းနင်းမိလို့ ဒေသခံတဦးဒဏ်ရာရသွားခဲ့ပါတယ်။
အာရက္ခအဆုံးအဖြတ်စစ်ပွဲမှာစစ်ကောင်စီတပ်ကလက်နက်ကြီးတွေ၊ အတွဲလိုက်ဒုံးတွေ၊ နေဗီတွေ၊ တိုက်လေယာဥ်တွေ၊ ဒရုန်းတွေ၊ မြေမြုပ်မိုင်းတွေ၊ စစ်ကျန်လက်နက်တွေနဲ့ အာရက္ခပြည်သူတွေကို ရည်ရွယ်ချက်ရှိရှိ ပစ်ခတ်သတ်ဖြတ်တာတွေနေ့စဥ်ရက်ဆက်ပြုလုပ်နေတယ်လို့ အာရက္ခပြည်သူတွေကဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင် မောင်တော၊ ဘူးသီးတောင်၊ ရသေ့တောင်၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ပေါက်တော၊ ရမ်းဗြဲ၊ သံတွဲ၊ တောင်ကုတ်၊ အမ်း၊ ဂွမြို့ နယ်တွေကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခတပ်တော်သိမ်းပိုက်ထိန်းချုပ်ထားတဲ့နယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပြီး အာရက္ခပြည်သူတွေအတွက် ပြည်သူ့ဝန် ဆောင်မှုတွေ ဆောင်ရွက်ပေးနေတယ်လို့ အာရက္ခပြည်သူတွေက ဆိုကြပါတ ယ်။
အာရက္ခပြည်သူ့တော်လှန်ရေးအစိုးရဟာ အာရက္ခပြည်သူတွေကို မိုင်းအသိ ပညာပေးမှုတွေ ပြုလုပ်နေသလို မိုင်းအန္တရာယ်အသိပေးဆိုင်းဘိုးတွေစိုက်ထူပေးနေပေမယ့် အာရက္ခပြည်သူတွေ
မြေမြုပ်မိုင်းအန္တရာယ်ကို ကြုံတွေ့နေကြဆဲဖြစ်တယ်လို့ ဆိုကြပါတယ်။
အဲဒါကြောင့်မိုင်းရှင်းလင်းပေးတာတွေ၊ မိုင်အသိပညာပေးတာတွေ ပိုမိုဆောင်ရွက်ပေးဖို့လိုအပ်နေသေးတယ်လို့ အာရက္ခပြည်သူတွေက ဆိုကြပါတယ်။
