Border News Agency
မြောက်ဦး၊ သြဂုတ် ၆ ။
အာရက္ခတပ်တော်(AA)ထိန်းချုပ်ထားတဲ့မြောက်ဦးမြို့မှာ သြဂုတ်လ ၅ ရက်နေ့၊ ညနေ ၈ နာရီအချိန်ခန့်က သက်ကြီးအမျိုးသားတဦးကို လူငယ်သုံးဦးက နေအိမ်အတွင်း ဝင်ရောက်သတ်ဖြတ်သွားကြတယ်လို့ မြောက်ဦးမြို့ခံတွေက အတည်ပြုပြောကြပါတယ်။
အဲဒီမြောက်ဦးမြို့၊ ဘားဘူတောင်ရပ်ကွက်နေအသက်ငါးဆယ်ခြောက်နှစ်အရွယ်ဦမောင်သိန်းရွှေကို လူငယ်သုံးဦးကနေအိမ်အတွင်းဝင်ရောက်ပြီး ဓားတွေ၊တုတ်တွေနဲ့ထိုးသတ်ရိုက်နှက်သွားကြတာလို့ မိသားစုဝင်တွေက ဆိုကြပါတယ်။
“အိမ်မှာနေရင်း အသတ်ခံရတာပါ။ ကျမအဖေတယောက်တည်းပါ။ အမေနဲ့အဖေနှစ်ယောက်တည်းနေကြတာပါ။” လို့ မိသားစုဝင်တဦးက Border News Agency ကို ပြောပါတယ်။
အဲဒီဦးမာင်သိန်းရွှေကို မြောက်ဦးမြို့နယ်၊ ဆူးရစ်ချောင်းဇာတိဦးမောင်စိန်ကျော်ရဲ့သားသုံးယောက်က နေအိမ်အတွင်းဝင်ရောက်ပြီးအကြမ်းဖက်သတ် ဖြတ်သွားကြတာလို့ ဆိုကြပါတယ်။
အဲဒီလိုနေအိမ်အတွင်းဝင်ရောက်အကြ မ်းဖက်မှုလူသတ်မှုတွေကျူးလွန်သွားကြသူတွေဟာ ဦးမောင်စိန်ကျော်ရဲသား အသက်သုံးဆယ်ခြောက်နှစ်အရွယ်ဇော်နိုင်ဦး၊ အသက်နှစ်ဆယ်ငါးနှစ်အရွ ယ်အောင်သူငြိမ်း၊အသက်တဆယ့်ကိုးနှစ်အရွယ်လင်းကျော်ထူးဖြစ်တယ်လို့မြောက်ဦးမြို့ခံတွေက ဆိုကြပါတယ်။
သူတို့တွေကိုတော့ အာရက္ခပြည်သူ့တော်လှန်ရေးအစိုးရရဲ့ရဲတပ်ဖွဲ့က ဖမ်းဆီးစစ်ဆေးနေပြီးတရားမျှတမှုတွေအမြန်ဆုံးရချင်တယ်လို့ မိသားစုဝင်တွေက တောင်းဆိုနေကြပါတယ်။
“ကျမတို့သဘောဆန္ဒကတရားမျှတမှုလိုချင်ပါတယ်။ကျမတို့အဖေတရားအသတ်ခံရတာပါ။” လို့ မိသားစုဝင်တဦးက Border News Agency ကို ပြောပါတယ်။
အဲဒီဦးသိန်းရွှေမှာ ဝမ်းဗိုက်ပေါက်ပြဲဒဏ်ရာတွေ၊ ယောကျ်ားအင်္ဂါဖြတ်ချဒဏ်ရာတွေအပါအဝင် ဒဏ်ရာအပြင်အထန်းအများအပြားရရှိခဲ့ပြီး ဆေးကုသမှုခံယူနေတုန်း ဩဂုတ်လ ၆ ရက်နေ့၊ဒီနေ့ နံနက် ၈ နာရီခန့်က သေဆုံးသွားခဲ့တယ်လို့ မိသားစုဝင်တွေက ဆိုကြပါတယ်။
အဲဒီဦးသိန်းရွှေကို အကြမ်းဖက်သတ်ဖြ တ်မှုတွေကျူးလွန်ခဲ့ကြသူတွေဟာ အိမ်နီးနာချင်းတွေဖြစ်ကြပြီးလူသတ်မှုကျူးလွန်ထားကြသူတွေရဲ့မိသားစုနေ အိမ်ဆောက်လုပ်ခဲ့ရာမှာ ဦးမောင်သိန်းရွှေနေအိမ်ယိမ်းယိုင်သွားခဲ့တယ်လို့ဆိုပါတယ်။
အဲဒီလူသတ်မှုကျူးလွန်ထားသူသုံးဦးကို အာရက္ခပြည်သူ့တော်လှန်ရေးအစိုးရရဲ့ရဲဌာနကဖမ်းဆီးစစ်ဆေးနေပြီးအမြင့်ဆုံးပြစ်ဒဏ်ပေးဖို့ မိသားစုဝင်တွေ တောင်းဆိုနေကြပါတယ်။
