Border News Agency
ဒါကာ၊ စက်တင်ဘာ ၅။
ဘင်္ဂလားဒေ့ရှ်နိုင်ငံမှာ လာမယ့်နှစ်ဖေဖော်ဝါရီလမှာပြုလုပ်မယ့်ရွေးကောက်ပွဲနဲ့ပတ်သက်ပြီး ကုလသမဂ္ဂအကြီးတန်းအရာရှိတွေဟာ ဘင်္ဂလားဒေ့ရှ်ကိုရောက်နေကြပါတယ်။
အကြံပေးပုဂ္ဂိုလ်ပရော်ဖက်ဆာမိုဟာမတ်ယူနွတ်ဟာ ကုလသမဂ္ဂဌာနေညှိ့နှိုင်းရေးအရာရှိ ဂွင်လူဝစ်(Gwyn Lewis)နဲ့ တွေ့ဆုံခဲ့သလို နိုင်ငံခြားရေးဆိုင်ရာအကြံပေးအမ်ဒီတောဟစ်ဟူစိန် (Md Touhid Hossain) ကတော့ ဘင်္ဂလားဒေ့ရှ်နိုင်ငံဆိုင်ရာ UNHCR ကိုယ်စားလှယ်အီဗိုဖရီးဂျင်(Ivo Freijsen)နဲ့တွေ့ဆုံခဲ့တယ်လို့ ဘင်္ဂလားဒေ့ရှ်သတင်းဌာနတွေက စက်တင်ဘာလ ၄ ရက်နေ့က ဖော်ပြကြပါတယ်။
အကြံပေးပုဂ္ဂိုလ်မိုဟာမတ်ယူနွတ်နဲ့ ကုလဌာနေညှိနှိုင်းရေးအရာရှိ ဂွင်လူဝစ်တို့တွေ့ဆုံရာမှာ ဘင်္ဂလားဒေ့ရှ်ရဲ့ဒီမိုကရေစီအသွင်ကူးပြောင်းရေးနဲ့ပတ်သက်ပြီးဆွေးနွေးကြသလို ရိုဟင်ဂျာအရေးအပေါ်မှာလည်း ဆွေးနွေးကြတယ်လို့ ဆိုပါတယ်။
ပြီးခဲ့တဲ့လက ကျင်းပခဲ့တဲ့ ရိုဟင်ဂျာကွ န်ဖရင့်နဲ့ နယူယောက်မှာကျင်းပမယ့် ကုလအထွေထွေညီလာခံအတွက် ပြင်ဆင်ထားမှုတွေကိုလည်း ဆွေးနွေးကြပါတယ်။
ရိုဟင်ဂျာဒုက္ခသည်တွေအတွက် ရံပုံငွေဖြတ်တောက်ခံရမှုဟာ ဒုက္ခသည်စခန်းကပညာရေးနဲ့တခြားဝန်ဆောင်မှုပိုင်းဆိုင်ရာတွေကိုလည်း ထိခိုက်မှုတွေရှိနေတယ်လို့ မိုဟာမတ်ယူနွတ်က ဆိုပါတယ်။
ရိုဟင်ဂျာတွေကိုတာဝန်ယူထားရတဲ့ ဘင်္ဂလားဒေ့ရှ်ရဲ့လူသားချင်းစာနာမှုလုပ်ငန်းစဉ်တွေအတွက် ရံပုံငွေတွေရရှိဖို့လိုတယ်လို့ ဆိုပါတယ်။
ဘင်္ဂလားဒေ့ရှ်အကြံပေးပုဂ္ဂိုလ်မိုဟာမတ်ယူနွတ်နဲ့ ကုလဌာနေညှိ့နှိုင်းရေးအ ရာရှိတို့ကြား အဓိကဆွေးနွေးချက်ရံပုံငွေကိစ္စဖြစ်ပေမယ့် နိုင်ငံခြားရေးဆိုင်ရာအကြံပေး အမ်ဒီတောဟစ်ဟူစိန်နဲ့ဘင်္ဂလားဒေ့ရှ်နိုင်ငံဆိုင်ရာ UNHCR ကိုယ်စားလှယ်အီဗိုဖရီးဂျင်ကြားတွေ့ဆုံမှုမှာတော့ ဒီထက်ပိုပြီး အသေးစိတ်ဆွေး နွေးချက်တွေရှိနေပါတယ်။
အမ်ဒီတောဝစ်ဟူစိန်က အီဗိုဖရီဂျင်နဲ့ တွေ့ဆုံရာမှာ ရိုဟင်ဂျာတွေနေရပ်ပြန်ဖို့အတွက် လမ်းကြောင်းတခုကိုကုလသမဂ္ဂက ရှာသင့်တယ်လို့တောင်းဆိုထားပါတယ်။
အီဗိုဖရီဂျင်ရဲ့ပုဂ္ဂိုလ်ရေးဩဇာဟာ ဘင်္ဂလားဒေ့ရှ်နဲ့ ကုလသမဂ္ဂကြားသတောတူထားတဲ့ ၂၀၂၅-၂၆ ခုနှစ်ပူးတွဲတာ ဝန်ယူမှုအစီအစဉ် (the Joint Response Plan (JRP) 2025-26)ကို ခိုင်မာစေမယ့်အပြင် ရိုဟင်ဂျာတွေ မိမိနေရပ်ကိုစိတ်ချလုံခြုံဘေးကင်းစွာ ပြန်နိုင်ဖို့အတွက်လမ်းကြောင်းတွေကိုလည်းရှာနိုင်လိမ့်မယ်လို့ ဆိုပါတယ်။
အဲဒီတွေ့ဆုံမှုမှာ ဘင်္ဂလားဒုက္ခသည်စ ခန်းတွေမှာရောက်နေတဲ့ ရိုဟင်ဂျာ ၁. ၃သန်းကျော်အတွက် အကာအကွယ်တွေနဲ့ခိုင်မာတဲ့ဖြေရှင်းချက်အတွက် နည်းလမ်းတွေကို အပြန်အလှန်ဆွေးနွေးခဲဲကြပါတယ်။
ဒုက္ခသည်အရေးနဲ့ပတ်သက်ပြီး ဘင်္ဂလားဒေ့ရှ်မှာရှိတဲ့ UNHCR ရုံးရဲ့အရေးပါမှုကိုလည်း နှစ်ဖက်စလုံးကအသိအညမှတ်ပြုကြပါတယ်။
အီဗီုဖရီးဂျင်က သူ့အနေနဲ့ ရိုဟင်ဂျာ ဒု က္ခသည်အရေးမှာ သက်ဆိုင်သူတွေက တာဝန်ခံမှုပိုပြီးရှိလာဖို့အတွက် နိုင်ငံတကာမိတ်ဖက်တွေနဲ့နည်းလမ်းတွေရှာပြီး ဆောင်ရွက်သွားမယ်လို့ဆိုပါတယ်။
သူကဆက်ပြီး ရခိုင်ပြည်ကို ဒုက္ခသည်တွေ ဘေးကင်းလုံခြုံစွာပြန်နိုင်တဲ့ထိ ကြိုးစားနေမယ်လို့လည်းဆိုပါတယ်။
နယူယောခ့်မှာကျင်းပမယ့် ရိုဟင်ဂျာအရေးအဆင့်မြင့်ဆွေးနွေးပွဲအတွက် UNHCRက ကြိုးပမ်းမှုတွေကိုလည်း ဘင်္ဂလားဒေ့ရှ်က ကျေးဇူးတင်တယ်လို့ နိုင်ငံခြားရေးအကြံပေးအမ်ဒီတောဟစ်ဟူစိန်က ဆိုပါတယ်။
ကုလသမဂ္ဂရဲ့ ဦးဆောင်မှုကရိုဟင်ဂျာအရေးအပေါ် နိုင်ငံတကာကအာရုံစိုက်မှုကို ပိုပြီးရရှိလာလိမ့်မယ်လို့ နှစ်ဖက်စလုံးက ဆိုပါတယ်။
လက်ရှိအချိန်ထိတော့ ဘင်္ဂလားဒေ့ရှ်ဒုက္ခသည်စခန်းက ရိုဟင်ဂျာတွေအတွ က်ဘေးကင်းလုံခြုံစွာနေရပ်ပြန်ရေးက အကောင်အထည်ပေါ်မလာသေးပါဘူး ။
ဒါနဲ့ပတ်သက်လို့ ဖြေရှင်းနိုင်မယ့်လက်တွေ့ကျမယ့်လမ်းကြောင်းတွေကို ရှာ ဖွေဖို့ကို ဘင်္ဂလားဒေ့ရှ်က တိုက်တွန်းနေတာလည်း ဖြစ်ပါတယ်။
ကိုးကား –
