Border News Agency
စစ်ကိုင်း၊ စက်တင်ဘာ ၁၄။
စစ်ကိုင်းတိုင်း၊ ကန့်ဘလူမြို့နယ်မှာ ကာ ကွယ်ရေးတပ်ဖွဲ့တွေဖမ်းဆီးရမိထားတဲ့ မူးယစ်ဆေးဝါးတွေကို မီးရှို့ဖျက်ဆီးခဲ့တယ်လို့ ကန့်ဘလူမြို့နယ်ပြည်သူ့အုပ်ချုပ်ရေးအဖွဲ့က စက်တင်ဘာလ ၁၄ ရက်၊ ဒီနေ့ထုတ်ပြန်ပါတယ်။
NUG အစိုးရမြို့နယ်တရားစီရင်ရေးမှ အမှုစီရင်ပြီးတဲ့ဘိန်းဖြူဆပ်ပြာခွက် ၉ ခွက်၊ WY စိတ်ကြွမူးယစ်ဆေးပြား ၂၂၄၉ ပြားနဲ့ဆေးသုံးစွဲရာမှာအသုံးပြုတဲ့ ဆက်စပ်ပစ္စည်းတွေကို မြို့နယ်တာ ဝန်ရှိသူတွေနဲ့အများပြည်သူရှေ့မှာ ဒု တိယအကြိမ် မီးရှို့ဖျက်ဆီးခဲ့တယ်လို့ ဆိုပါတယ်။
အဲဒီမူးယစ်ဆေးဝါးကြောင့်ဖမ်းဆီးရမိတဲ့တရားခံတွေဟာစစ်ကော်မရှင်နဲ့ ဆက်စပ်သူတွေဖြစ်တာကြောင့်ကန့်ဘလူမြို့နယ်ပြည်သူ့လုံခြုံရေးအကျဥ်းထောင်တွေမှာထိန်းသိမ်းထားတယ်လို့ဆိုပါတယ်။
ကန့်ဘလူမြို့နယ်မှာ ပြီးခဲ့တဲ့ဩဂုတ် လ ၁၇ ရက်နေ့ကလည်း ဘိန်းဖြူဆပ် ပြာခွက် ၈၈ ခွက်၊ဘိန်းမဲ ၂ ပိဿာ ၂၅ ကျပ်သား၊WY စိတ်ကြွမူးယစ်ဆေး ပြား ၅၆၀၀ ပြားတွေကို ပထမအကြိမ် မီးရှို့ဖျက်ဆီးခဲ့ပါတယ်။
ဖမ်းဆီးရမိတဲ့ မူးယစ်ဆေးဝါးအများစုဟာ စစ်ကော်မရှင်ရဲ့အသုံးချခံပြည်သူတွေနဲ့ ဆင့်ပွားလက်သယ်တရားခံတွေဖြစ်ကြပြီး သူတို့တွေကို ဥပဒေနဲ့အညီအရေးယူဆောင်ရွက်သွားမယ်လို့ဆိုပါတယ်။
