Border News Agency
နေပြည်တော်၊ အောက်တိုဘာ ၂၁။
စစ်တောင်းမြစ် အရှေ့ဘက်ကမ်း၊ ရွာသစ်ကျေးရွာရှိ စစ်ကော်မရှင်တပ်စခန်းကို တော်လှန်ရေးတပ်တွေ သိမ်းပိုက်နိုင်ခဲ့တယ်လို့ နေပြည်တော်စစ်တိုင်းဌာနမှ အောက်တိုဘာလ ၂၁ ရက်၊ ဒီနေ့ထုတ်ပြန်ပါတယ်။
အဲဒီရွာသစ်ကျေးရွာမှာ အင်အားခြောက်ဆယ်ခန့်နဲ့ အထိုင်စခန်းချထားတဲ့ စစ်ကော်မရှင်တပ်စခန်းကို အောက်တိုဘာလ ၂၀ ရက်နေ့က နေပြည်တော်တိုင်းစစ်ဌာနလက်အောက်ရှိ တပ်ရင်းတွေစုဖွဲ့ထားတဲ့ ဗျူဟာစစ်ကြောင်းနဲ့ ဝင်ရောက်တိုက်ခိုက်ခဲ့တယ်လို့ဆိုပါတယ်။
အဲဒီသစ်ကျေးရွာအထိုင်စခန်းနဲ့ ကျေးရွာတွင်းရှိ စစ်ကော်မရှင်တပ်ရဲ့ ကင်းစခန်းအားလုံးကို သိမ်းပိုက်နိုင်ခဲ့ပြီး စစ်ကော်မရှင်တပ်ဖွဲ့ဝင်တွေ ဒဏ်ရာရကာ ထွက်ပြေးသွားကြတယ်လို့ ဆိုပါတယ်။
စစ်ကော်မရှင်တပ်က လက်နက်ကြီးပစ်ခတ်တာတွေ၊ လေကြောင်းတိုက်ခိုက်တာတွေ ကြားမှာပိတ်မိနေတဲ့ကျေးရွာသားအားလုံးကို ဘေးလွတ်ရာကို ကယ်ထုတ်နိုင်ခဲ့တယ်လို့ ဆိုပါတယ်။
အဲဒီတိုက်ပွဲမှာ စစ်ကော်မရှင်တပ်မှ တပ်ရင်းမှူးအပါအဝင် ဆယ့်ငါးဦးသေဆုံးခဲ့ပြီး စစ်သုံ့ပန်းနှစ်ဦးဖမ်းဆီးရမိခဲ့တယ်လို့ ဆိုပါတယ်။
အဲဒီဖမ်းဆီးရမိတဲ့ စစ်ကော်မရှင်တပ်ရဲ့ လေကြောင်းရန်ကာကွယ်ရေးတပ် လကတ-၂၀၂၉ မှ ဒုတိယဗိုလ်မှူးကြီး ညီညီနိုင်ကို လက်ရဖမ်းဆီးချိန်မှာ ပစ္စတိုထုတ်ပြီး ခုခံတာကြောင့် အသေပစ်သတ်လိုက်ရတယ်လို့လည်း ဆိုပါတယ်။
တော်လှန်ရေးရဲဘော်နှစ်ဦး ထိခိုက်ဒဏ်ရာရသွားခဲ့တယ်လို့ ဆိုပါတယ်။
အဲဒီတိုက်ပွဲမှာ ဒရုန်းဂျမ်ပါအထိုင် စက်ကြီးတလုံး၊ MA-11တလက်၊ MA-3တလက်၊ G3သုံးလက်၊ ၆၀မမလက်၊ ပစ္စတိုတလက်၊ ၆၀မမကျည်ငါးလုံး ကျည်ဘောက်ဆယ်ခု၊ ကျည်မျိုးစုံတထောင်ခန့်နဲ့ မီးစက်တလုံးသိမ်းဆည်းရမိခဲ့တယ်လို့ ဆိုပါတယ်။
စစ်ကော်မရှင်တပ် စစ်ကူအင်အားတွေဖြည့်ပြီး ပြန်လည်တိုးဝင်လာတာကြောင့် တိုက်ပွဲငယ်တွေဆက်ပြီး ဖြစ်ပွားနေတယ်လို့ဆိုပါတယ်။
အဲဒါကြောင့် စစ်တောင်းမြစ်ကမ်းဝန်းကျင်ရှိ ကျေးရွာတွေမှပြည်သူတွေအနေနဲ့ စစ်ရေးသတိနဲ့နေထိုင်သွားလာကြပါဖို့လည်း အသိပေးထားပါတယ်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ စစ်ရုံးချုပ်ရဲ့လမ်းညွှန်ချက်အတိုင်း အမှတ်၂ စစ်ဆင်ရေးနယ်မြေ၊ စစ်တောင်းမြစ် အရှေ့ဘက်ကမ်းရေတာရှည်နဲ့ တခြားဒေသတွေမှာ နေပြည်တော်တိုင်းစစ်ဌာဟာ စစ်ဆင်ရေးတွေ အကောင်အထည်ဖော် ဆောင်ရွက်နေတယ်လို့ဆိုပါတယ်။
