Border News Agency
တနင်္သာရီတိုင်း၊ အောက်တိုဘာ ၂၁။
တနင်္သာရီတိုင်းအခြေစိုက် စစ်ကော်မရှင်တပ်ရဲ့ အမှတ် ၁၀၃ ခြေလျင်တပ်ရင်းမှ တပ်ဖွဲ့ဝင်နှစ်ဦးလက်နက်ခဲယမ်းနဲ့အတူ အလင်းဝင်လာတယ်လို့ တနင်္သာရီမြို့နယ်၊ ပကဖက အောက်တိုဘာလ ၂၁ ရက်၊ ဒီနေ့ထုတ်ပြန်ပါတယ်။
အဲဒီစစ်ကော်မရှင်တပ်ဖွဲ့ဝင်နှစ်ဦးဟာ ပြီးခဲ့တဲ့စက်တင်ဘာလ ၂၈ ရက်နေ့နဲ့ အောက်တိုဘာလ ၂ ရက်နေ့တွေက တနင်္သာရီမြို့နယ်၊ ပြည်သူ့ကာကွယ်ရေးအဖွဲ့ ပကဖထံဆက်သွယ်ပြီး လက်နက်နဲ့အတူ အလင်းဝင်ရောက်လာခဲ့ကြတာပါ။
အဲဒီတပ်ဖွဲ့ဝင်နှစ်ဦးမှာ MA-2တလက်၊ ကျည်ဘောက်လေးခု၊ ကျည်နှစ်ရာ့ခြောက်ဆယ်တောင့်နဲ့ အလင်းဝင်လာတာလို့ဆိုပါတယ်။
စစ်ကော်မရှင်တပ်ဖွဲ့ဝင်တွေဟာ ပြည်သူလူထုဘက်မှာရပ်တည်ချင်ရင် တနင်္သာရီတိုင်းစစ်ဌာနရဲ့ တပ်ရင်းတပ်ဖွဲ့တွေ၊ နီးစပ်ရာတော်လှန်ရေးတပ်တွေဆီ အမြန်ဆုံးပူးပေါင်းဖို့လည်း အသိပေးထားပါတယ်။
အဲဒီအပြင် တပ်ရင်းတပ်ဖွဲ့တွေဆီ လက်နက်နဲ့အတူ အလင်းဝင်ရောက်လာရင်တော့ ထိုက်တန်စွာဂုဏ်ပြုချီးမြှင့်သွားမယ်လို့လည်းဆိုပါတယ်။
