Border News Agency
အီရန်၊ မတ် ၁၀။
အီရန်နိုင်ငံ၊ တီဟီရန်မြို့မြောက်ပိုင်းမှာရှိတဲ့ဆေးရုံကို အမေရိကန်နဲ့အစ္စရေး လေကြောင်းတိုက်ခိုက်ခဲ့တာကြောင့် ဆေးရုံအဆောက်အအုံနဲ့ ဆေးဘက်ဆိုင်ရာပစ္စည်းတွေအပြင်းအထန် ပျက်စီးခဲ့ရတဲ့အပေါ် ကျန်းမာရေးဝန်ထမ်းတွေက ဆန္ဒပြခဲ့ကြတယ်လို့ ဒေသတွင်းမီဒီယာဖော်ပြပါတယ်။
မတ်လ ၁ ရက်၊ ညပိုင်းကဖြစ်ပွားခဲ့တဲ့ ဒီတိုက်ခိုက်မှုကြောင့် ဆေးရုံအဆောက်အအုံအချို့ပြိုကျပျက်စီးခဲ့ပြီး အရေးကြီးတဲ့ဆေးဘက်ဆိုင်ရာကိရိယာတွေလည်း အသုံးပြုလို့မရတော့တဲ့အထိ ထိခိုက်ခဲ့ပါတယ်။
ဆန္ဒပြပွဲမှာပါဝင်ခဲ့ကြတဲ့ ဆရာဝန်တွေနဲ့သူနာပြုတွေက အခုလိုကျန်းမာရေးစောင့်ရှောက်မှုပေးနေတဲ့ နေရာတွေကို တိုက်ခိုက်တာဟာ ဂျီနီဗာကွန်ဗင်းရှင်းကိုချိုးဖောက်တာဖြစ်ပြီး လက်မခံနိုင်တဲ့စစ်ရာဇဝတ်မှုဖြစ်တယ်လို့ ကြွေးကြော်ခဲ့ကြပါတယ်။
အီရန်အစိုးရကလည်း ဒီတိုက်ခိုက်မှုနဲ့ပတ်သက်ပြီး အမေရိကန်နဲ့အစ္စရေးတို့ကိုအရေးယူပေးဖို့ နိုင်ငံတကာတရားရုံး (ICJ) မှာ တရားစွဲဆိုနိုင်ဖို့အတွက် အထောက်အထားအဖြစ် အသုံးပြုသွားမယ်လို့ သိရပါတယ်။
အမေရိကန်သမ္မတထရမ့်ရဲ့ ပြင်းထန်တဲ့နိုင်ငံခြားရေးမူဝါဒတွေကြောင့် ဒေသတွင်းစစ်ရေးတင်းမာမှုတွေဟာ အမြင့်ဆုံးအခြေအနေကို ရောက်ရှိနေပါတယ်။
