Border News Agency
နေပြည်တော်၊ ဧပြီ ၂၅။
အာရက္ခတပ်တော်(AA)အပါအဝင်KIA နဲ့ PDF အဖွဲ့ဝင်ငါးရာကျော်ဟာ လက်နက်တွေနဲ့အတူအလင်းဝင်လာတယ်လို့ စစ်ကော်မရှင်တပ်က ဧပြီလ ၂၄ ရက်၊ မနေ့က ဝါဒဖြန့်ထုတ်ပြန်ပါတယ်။
အဲဒီအလင်းဝင်လာသူတွေဟာ သူတို့အဖွဲ့တွေထဲမှာ အချင်းချင်းဗိုလ်ကျနှိပ်စက်ခံရတာပြီး စစ်တပ်ရဲ့တိုက်စစ်ကို မခုခံနိုင်တော့တာကြောင့်လို့ စစ်ကော်မရှင်တပ်က တော်လှန်ရေးအဖွဲ့တွေကို နာမည်ဖျက်ဝါဒဖြန့်ထားပါတယ်။
အဲဒီအပြင် စစ်ကော်မရှင်တပ်ဟာ သူတို့ကိုယ်သူတို့ငြိမ်းချမ်းရေးကို အမှန်တကယ်လိုလားသယောင်နဲ့ နိုင်ငံတော်ရဲ့ငြိမ်းချမ်းရေးလုပ်ငန်းစဉ်တွေကိုတော်လှန်ရေးတပ်ဖွဲ့ဝင်တွေက ယုံကြည်လာကြတယ်လို့လည်း ပုံမှားရိုက်ဝါဒဖြန့်ထားတာပါ။
အလင်းဝင်လာတယ်ဆိုသူတွေဟာ မန္တလေးနဲ့မကွေးတိုင်းက မြို့နယ်နှစ်ဆယ်ကျော်ကဖြစ်ပြီး သူတို့ကို စစ်ကော်မရှင်တပ်က မောင်းပြန်ရိုင်ဖယ်တလက်ကို ကျပ်သိန်းငါးဆယ်နှုန်းနဲ့ စုစုပေါင်းဆုကြေးငွေကျပ်သိန်းတထောင်ခုနှစ်ရာထုတ်ပေးခဲ့တယ်လို့ ဆိုပါတယ်။
စစ်ကော်မရှင်တပ်ဟာ စစ်မြေပြင်မှာအရှုံးနဲ့ ရင်ဆိုင်နေရတာကြောင့် သူတို့အသာစီးရနေသယောင်နဲ့ငြိမ်းချမ်းရေးလုပ်ငန်းစဉ်တွေကို လူတွေယုံကြည်လာသယောင်ဝါဒဖြန့်နေတာဖြစ်ပါတယ်။
