Border News Agency
ဝက်လက်၊ ဒီဇင်ဘာ ၁၈ ။
စစ်ကိုင်းတိုင်း၊ ဝက်လက်မြို့နယ်အရှေ့ခြမ်းကို ဒီဇင်ဘာလ ၁၇ ရက်၊ မနေ့ညက စစ်ကော်မရှင်တပ်လေကြောင်းတိုက်ခိုက်လို့ အရပ်သားလေးဦးသေဆုံးပြီး ငါးဦးဒဏ်ရာရခဲ့တယ်လို့ Wetlet Informational Network ထုတ်ပြန်ပါတယ်။
အဲဒီလေကြောင်းတိုက်ခိုက်မှုကြောင့် အသက်ခုနှစ်ဆာ်အရွယ် ဦးညွန့်ဝေ၊ အသက်ခုနှစ်ဆယ်အရွယ် ဒေါ်မြင့်ကြည်၊ အသက်နှစ်ဆယ်ငါးနှစ်အရွယ် မောင်ဇေယျာထွန်း၊ အသက်သုံးဆယ်အရွယ်
အမျိုးသားတဦး သေဆုံးခဲ့ပါတယ်။
အဲဒီအပြင် နောက်ထပ်ငါးဦးဒဏ်ရာရခဲ့သလို နေအိမ်သုံးလုံး၊ ကားတစီးမီးလောင်ပျက်စီးခဲ့ပြီး နွားသုံးကောင်လည်းသေဆုံးခဲ့ပါတယ်။
အဲဒီဝက်လက်မြို့နယ် အရှေ့ခြမ်းကသစ်ဆိပ်ရွာကို ဒီဇင်ဘာလ ၁၈ ရက်၊ ဒီနေ့မနက်ကလည်း ကျောက်မြောင်းအခြေစိုက် အမှတ် ၁၂ ခြေမြန်တပ်ရင်းမှ အသေခံဒရုန်းတွေတိုက်ခိုက်လို့ ရဟန်းတော်တပါးနဲ့ ကလေးတဦးဒဏ်ရာရခဲ့ပါတယ်။
အဲဒီဝက်လက်မြို့နယ်အရှေ့ခြမ်း၊ ထုံးဘိုရွာတောင်ဘက်သန်းကုန်းတောတိုက်အနီးကို ဒီဇင်ဘာလ ၁၃ ရက်နေ့ကလည်း စစ်ကော်မရှင်တပ်လေကြောင်းတိုက်ခိုက်လို့ အရပ်သားလေးဦးသေဆုံးပြီး ဆယ်ဦးဒဏ်ရာရခဲ့ပါတယ်။
