Border News Agency
အမ်း၊ ဇန်နဝါရီ ၁၂။
အမ်း – ပဒါန်းနဲ့ ပုသိမ် – မုံရွာ လမ်းပိုင်းတဝိုက်စစ်ဆင်ရေးတွေမှာ ပြီးခဲ့တဲ့နှစ်လအတွင်း စစ်ကော်မရှင်တပ်ဖွဲ့ဝင် ဆယ့်ခြောက်ဦးဖမ်းဆီးရမိပြီး ဆယ့်သုံးဦးအလင်းဝင်လာတယ်လို့ ကျောင်းသားတပ်ဦး / ကျောင်းသားလက်ရုံးတပ်တော် (SF/SAF) က ဇန်နဝါရီလ ၁၂ ရက်၊ ဒီနေ့ ထုတ်ပြန်ပါတယ်။
အဲဒီ ဖမ်းဆီးရမိတဲ့စစ်သုံ့ပန်းဆယ့်ခြောက်ဦးကို နိုင်ငံတကာစစ်ဥပဒေတွေနဲ့အညီ ကောင်းမွန်စွာထိန်းသိမ်းထားတယ်လို့ ဆိုပါတယ်။
အဲဒီအလင်းဝင်လာတဲ့တပ်ကြပ်ကြီးတဦးနဲ့ ဒုတပ်ကြပ်တဦးအပါအဝင် ဆယ့်သုံးဦးကို တပ်တော်ရဲ့ရဲဘော်တွေအဖြစ် တော်လှန်ရေးတာဝန်တွေ ထမ်းဆောင်နေကြတယ်လို့ ဆိုပါတယ်။
အဖိနှိပ်ခံလူထုဘက်ကရပ်တည်ပြီး တိုက်ပွဲဝင်လိုတဲ့ဘယ်သူ့ကိုမဆို ဆက်လက်လက်ကမ်းကြိုဆိုနေတယ်လို့လည်း ဆိုပါတယ်။
