Border News Agency
နမ့်ဆန်၊ ဇန်နဝါရီ ၁၂။
ပလောင်ပြည်လွတ်မြောက်ရေးတပ်ဦး (PSLF/TNLA) ရဲ့အလုပ်သင်ဗိုလ်သင်တန်း (Ta’ang Army Officer Training – TAOT) အပတ်စဉ် ၅ သင်တန်းဆင်းပွဲကို ဇန်နဝါရီလ ၁၁ ရက်နေ့က တအာင်းပြည်မှာကျင်းပခဲ့ပါတယ်။
အဲဒီသင်တန်းဟာ ဆယ့်သုံးလကြာပြင်းပြင်းထန်ထန်လေ့ကျင့်ခဲ့ရပြီး သင်တန်းသားတရာ့လေးဆယ်ထဲမှ တရာ့နှစ်ဆယ့်နှစ်ဦးဟာ အရာရှိလောင်းတွေအဖြစ် ဘွဲ့ထူးအပ်နှင်းခံခဲ့ရတာပါ။
ဒီသင်တန်းဆင်းပွဲကို တအာင်းလူမျိုးတွေတင်မက နယ်မြေခံရှမ်း၊ ကချင်၊ လီဆူ တိုင်းရင်းသားတွေနဲ့ ပြည်သူရှစ်ရာကျော် တက်ရောက်အားပေးခဲ့ကြတယ်လို့ ဆိုပါတယ်။
အဲဒီသင်တန်းရဲ့ ပြီးခဲ့တဲ့အပတ်စဉ်တွေက ဆင်းသွားတဲ့ဗိုလ်တွေဟာ “၁၀၂၇ စစ်ဆင်ရေး” မြို့သိမ်းတိုက်ပွဲတွေတုန်းက ရှေ့တန်းကနေရဲရဲဝံ့ဝံ့ ပါဝင်တိုက်ပွဲဝင်ခဲ့ကြသူတွေ ဖြစ်တယ်လို့ဆိုပါတယ်။
ခုသင်တန်းဆင်းတဲ့ အရာရှိသစ်တွေကလည်း တအာင်းပြည်နယ်ရဲ့ကာကွယ်ရေး၊ တရားဥပဒေစိုးမိုးရေးနဲ့ အုပ်ချုပ်ရေးကဏ္ဍအသီးသီးမှာ ကျရာတာဝန်တွေကို ဆက်လက်ထမ်းဆောင်သွားမှာလို့ ဆိုပါတယ်။
