Border News Agency
ဘန်ကောက်၊ ဇန်နဝါရီ ၁၇။
ဘန်ကောက်မြို့အဝင် ရာမ-၂ လမ်းမှာ ဇန်နဝါရီလ ၁၇ ရက်၊ ဒီနေ့မနက်ပိုင်းက မြေအောက်ရေပိုက်ပေါက်ပြီး လမ်းကျွံကျခဲ့တာကြောင့် ပစ်ကပ်ကားတစ်စီး ကျင်းထဲထိုးကျသွားတဲ့ ဖြစ်စဉ်တခု ဖြစ်ပွားခဲ့ပါတယ်။
အဲဒီမြေအောက်မှာရှိတဲ့ ရေပေးဝေရေး ပိုက်လိုင်းကြီးပေါက်ထွက်ပြီး လမ်းမပေါ်ရေတွေလျှံတက်လာကာ လမ်းကျွံသွားခဲ့တာဖြစ်ပြီး ကားရဲ့ ညာဘက်ဘီး ကျင်းထဲညပ်သွားခဲ့တာပါ။
အဲဒီကားမောင်းသူ အမျိုးသားကတော့ ထိခိုက်ဒဏ်ရာမရရှိဘဲ ဘေးကင်းခဲ့တယ်လို့ သိရပါတယ်။
အဲဒါကြောင့် လမ်းပိုင်းမှာယာဉ်ကြောပိတ်ဆို့မှု အလွန်ဆိုးရွားခဲ့ပြီး သက်ဆိုင်ရာက ရေတွေစုပ်ထုတ်တာနဲ့ ယာဉ်ကြောရှင်းလင်းတာတွေ လုပ်ဆောင်နေရပါတယ်။
အဲဒီလမ်းသွားလမ်းလာ ပြည်သူတွေကိုလည်း တခြားရှောင်ကွင်းလမ်းကနေသွားကြဖို့ လုံခြုံရေးတွေကအသိပေးထားပါတယ်။
အဲဒီ လမ်းပိုင်းဟာ မြေအောက်ရေပိုက်ယိုစိမ့်ပြီး ရေတိုက်စားမှုတွေ ဖြစ်နေတာကြာနေပြီဖြစ်သလို အရင်ကလည်း ခုလိုမျိုးလမ်းကျွံမှုတွေ ခဏခဏဖြစ်ခဲ့ဖူးတယ်လို့ သိရပါတယ်။
