Border News Agency
မြောက်ဦး၊ ဇန်နဝါရီ ၂၆။
အာရက္ခတပ်တော်ထိန်းချုပ်ထားတဲ့ မြောက်ဦးမြို့နယ်မှာ မီးဘေးအန္တရာယ် ကြိုတင်ကာကွယ်နိုင်ဖို့အတွက် အာရက္ခပြည်သူ့တော်လှန်ရေးအစိုးရရဲ့ မီးသတ်ဌာနကမီးဘေးကာကွယ်ရေး လက်တွေ့သရုပ်ပြနေပါတယ်။
အဲဒီသရုပ်ပြတာကို ဇန်နဝါရီလ၂၅ ရက်၊ မနေ့က မြောက်ဦးမြို့မဈေးမှာ လက်တွေ့လေ့ကျင့်သရုပ်ပြသခဲ့တာဖြစ်ပါတယ်။
ပွင့်လင်းရာသီရောက်ရှိလာပြီဖြစ်တာမို့ မီးလောင်မှုတွေမဖြစ်ပွားအောင်နဲ့ မီးလောင်မှုဖြစ်လာရင် ပြည်သူတွေအနေနဲ့ လက်တွေ့ကျကျတုံ့ပြန်ငြှိမ်းသတ်နိုင်ဖို့ ရည်ရွယ်ပြီး အခုလိုသရုပ်ပြသတာဖြစ်တယ်လို့ သိရပါတယ်။
အဲဒီ အာရက္ခမီးသတ်ဌာနအနေနဲ့ လက်တွေ့သရုပ်ပြသမှုတွေအပြင် မီးဘေးသတိပေး ဆိုင်းဘုတ်စိုက်ထူတာ၊ လက်ကမ်းစာစောင် ဖြန့်ဝေတာနဲ့ ရပ်ရွာတွေအတွင်း မီးဘေးကာကွယ်ရေး လိုက်နာမှုရှိ၊ မရှိကိုလည်းလိုက်လံစစ်ဆေးနေတယ်လို့ သိရှိရပါတယ်။
