Border News Agency
ထိုင်း၊ ဇန်နဝါရီ ၂၉။
ထိုင်းနိုင်ငံ၊ နခွန်နေယွတ် (Nakhon Nayok) ခရိုင်ဘက်ကစိုက်ပျိုးရေးမြေတွေကို မီးရှို့ရာကနေထွက်လာတဲ့ မီးခိုးတွေဟာ ဘန်ကောက်မြို့ထဲကို တိုးဝင်လာနေပါတယ်။
အဲဒါကြောင့် PM_{2.5} ဖုန်မှုန့်အဆင့်တွေ အန္တရာယ်ရှိတဲ့အထိ မြင့်တက်လာနိုင်တယ်လို့ ထိုင်းမိုးလေဝသဌာန (TMD) နဲ့ ဘန်ကောက်မြို့တော်စည်ပင် (BMA) တို့က မနေ့ကပဲပူးတွဲသတိပေးချက် ထုတ်ပြန်လိုက်ပါတယ်။
မိုးလေဝသဌာနရဲ့ တိုင်းတာချက်အရ ဘန်ကောက်တမြို့လုံးရဲ့ ပျမ်းမျှလေထုညစ်ညမ်းမှုအဆင့်ဟာ 55.6 \mu g/m^3 အထိ ရှိနေတာပါ။
အဲဒါဟာ အစိုးရကသတ်မှတ်ထားတဲ့ ဘေးကင်းလုံခြုံမှုစံနှုန်းထက် အများကြီးကျော်လွန်နေတာကြောင့် ကျန်းမာရေး ထိခိုက်နိုင်တဲ့ “လိမ္မော်ရောင်အဆင့်” လို့ သတ်မှတ်ပြီး သတိပေးထားရတာဖြစ်ပါတယ်။
ဂြိုဟ်တုပုံရိပ်တွေအရ နခွန်နေယွတ်ဘက်မှာ မီးရှို့နေတဲ့နေရာ (Hotspots) တွေကို တွေ့ထားရသလို အရှေ့ဘက်ကတိုက်နေတဲ့ လေကြောင်းကလည်း မီးခိုးတွေကို မြို့တော်ထဲ တိုက်ရိုက်တွန်းပို့နေတာပါ။
လေထုကလည်း ငြိမ်နေတော့ ညစ်ညမ်းမှုတွေက မြေပြင်နဲ့နီးကပ်စွာပိတ်မိနေပြီး ဒီအခြေအနေဟာ ဇန်နဝါရီလကုန်အထိ ဆက်ရှိနေနိုင်တယ်လို့ သိရပါတယ်။
အဲဒီထဲ အထူးသဖြင့် ဘန်ကောက်အရှေ့ပိုင်းက နောင်ချောက်၊ မင်းဘူရီ၊ ခွန်ဆမ်ဝါနဲ့ ခန်နာယောင်ခရိုင်တွေမှာ ဖုန်မှုန့်အဆင့်တွေဟာ 76 \mu g/m^3 ကနေ 80 \mu g/m^3 ကျော်အထိ အတော်လေးမြင့်တက်နေတာပါ။
အဲဒီဘက်မှာ နေထိုင်သူတွေအနေနဲ့ လေထုအခြေအနေကို ပိုပြီး သတိထားကြည့်ရှုကြဖို့ လိုအပ်ပါတယ်။
အဲဒါကြောင့် ပြည်သူတွေအနေနဲ့ အပြင်ထွက်ပြီး လေ့ကျင့်ခန်းလုပ်တာ ဒါမှမဟုတ် အလုပ်လုပ်တာတွေကို တတ်နိုင်သမျှ ရှောင်ကြဖို့ တိုက်တွန်းထားပါတယ်။
အဲဒီအပြင် မလွှဲမရှောင်သာလို့ အပြင်ထွက်ရရင်လည်း N95 ဒါမှမဟုတ် PM_{2.5} ကာကွယ်နိုင်တဲ့ Mask တွေကို မဖြစ်မနေ စနစ်တကျတပ်သွားကြဖို့နဲ့ အိမ်တံခါးတွေကိုလည်း လုံအောင်ပိတ်ထားကြဖို့ လိုတယ်လို့ဆိုပါတယ်။
အဲဒီလေထုညစ်ညမ်းမှုဟာ ကလေး၊ သက်ကြီးရွယ်အိုနဲ့ အသက်ရှူလမ်းကြောင်းဆိုင်ရာ ရောဂါအခံရှိသူတွေအတွက် အသက်အန္တရာယ် စိုးရိမ်ရသလို ဓာတ်မတည့်သူ (Allergy) တွေနဲ့ အရေပြားပြဿနာရှိသူတွေအတွက်လည်း ရောဂါအခြေအနေ ပိုဆိုးသွားနိုင်တာကြောင့် အထူးဂရုစိုက်ကြပါဦးသတိပေးထားပါတယ်။
