Border News Agency
နယ်သာလန်၊ ဇန်နဝါရီ ၃၀။
ICJ တရားရုံးမှာပြုလုပ်တဲ့ ဒုတိယအကျော့ကြားနာပွဲမှာ မြန်မာရှေ့နေတွေက ဂမ်ဘီယာဘက်ဟာ ARSA အဖွဲ့ရဲ့အင်အားစုနဲ့ လက်နက်ကိုင်တိုက်ခိုက်မှုတွေကို တမင်ဖုံးကွယ်ထားတယ်လို့ ထောက်ပြလိုက်ပါတယ်။
ARSA ဟာ သာမန်အဖွဲ့အစည်းမဟုတ်ဘဲ အရှေ့အလယ်ပိုင်းနိုင်ငံတွေကနေ အထော
က်အပံ့တွေရရှိနေသလို စနစ်တကျစစ်ရေးလေ့ကျင့်မှုတွေပြုလုပ်ထားတဲ့ အဖွဲ့ဖြစ်တယ်လို့ မြန်မာဘက်က ဆိုပါတယ်။
အဲဒီအပြင် အင်အား ၁၇,၀၀၀ ကျော်အထိရှိနေပြီး တုတ်၊ ဓားတွေအပြင် လက်နက်ခဲယမ်းတွေကိုပါ အသုံးပြုပြီးတိုက်ခိုက်ခဲ့တာလို့ တင်ပြခဲ့တာပါ။
အဲဒီထဲ အထူးသဖြင့် ၂၀၁၇ ခုနှစ်အတွင်းက ရဲစခန်း ၃၀ ခုကို တပြိုင်တည်း တိုက်ခိုက်နိုင်ခဲ့တဲ့စွမ်းရည်ဟာ ARSA ရဲ့ အင်အားကြီးမားမှုကို ပြသနေတာဖြစ်ပြီး ဂမ်ဘီယာဘက်ကတော့ ဒါကိုထည့်မပြောဘဲ ချန်လှပ်ထားတယ်လို့ မြန်မာရှေ့နေတွေက စောဒကတက်ခဲ့ပါတယ်။
အဲဒီအပြင် ARSA အဖွဲ့ဟာ ဒေသခံ ရခိုင်၊ မြို၊ဒိုင်းနက်၊ ဟိန္ဒူနဲ့ တခြားမျိုးနွယ်စုတွေကိုပါ တိုက်ခိုက်ခဲ့တာတွေ ရှိခဲ့ပြီး၊ တပ်မတော်အနေနဲ့ ဒီတိုက်ခိုက်မှုတွေကြားကနေ ဒေသခံတွေကို ကာကွယ်ပေးခဲ့ရတာလို့လည်း ထည့်သွင်းပြောဆိုခဲ့ပါတယ်။
မြန်မာဘက်ကတော့ ဒီအမှုမှာ ARSA ရဲ့ လုပ်ဆောင်ချက်တွေကိုပါ ထည့်သွင်းစဉ်းစားဖို့ တရားရုံးကို တိုက်တွန်းနေတာဖြစ်ပါတယ်။
