Border News Agency
ထိုင်း၊ ဖေဖော်ဝါရီ ၁၉။
ထိုင်းနိုင်ငံ၊ စန္ဒပူရီခရိုင်၊ ပေါင်နမ်ရွန်မြို့နယ်အတွင်းသို့ တရားမဝင်ဝင်ရောက်လာတဲ့ တရုတ်နိုင်ငံသား ၅ ဦးနဲ့ ကမ္ဘောဒီးယားနိုင်ငံသား ၁ ဦး၊ စုစုပေါင်း ၆ ဦးကို ဖေဖော်ဝါရီလ ၁၈ ရက်နေ့မှာ ဖမ်းဆီးရမိခဲ့တယ်လို့ ထိုင်းရေတပ်က ထုတ်ပြန်လိုက်ပါတယ်။
အဲဒီဖမ်းဆီးမှုကို စန္ဒပူရီနဲ့ ထရတ် နယ်စပ်ကာကွယ်ရေးဌာနချုပ် (CPCT) က ဆောင်ရွက်ခဲ့တာဖြစ်ပြီး၊ တရားခံတွေနဲ့အတူ လက်ကိုင်ဖုန်း ၂၇၀ လုံး၊ SIM ကတ်တွေနဲ့ နိုင်ငံခြားငွေစက္ကူမျိုးစုံကို သက်သေခံအဖြစ် သိမ်းဆည်းရမိခဲ့တာပါ။
ထိုင်းရေတပ်ပြောရေးဆိုခွင့်ရှိသူ ရေတပ်ဗိုလ်ချုပ် ပါရတ်ရတ်တနချိုင်းဖန်ရဲ့ ပြောကြားချက်အရ ဖမ်းဆီးရမိသူတွေဟာ ကမ္ဘောဒီးယားအခြေစိုက်ကျားဖြန့် (Cyber Scam) ဂိုဏ်းဝင်တွေဖြစ်ပြီး နယ်စပ်ဒေသကိုအခြေပြုကာ ကမ္ဘာတဝှမ်းကိုစနစ်တကျလိမ်လည်လှည့်ဖြားနေသူတွေဖြစ်တယ်လို့ သိရပါတယ်။
အခုလို လုပ်ရပ်တွေဟာ ဒေသတွင်းလုံခြုံရေးကို ခြိမ်းခြောက်နေတာကြောင့် အိမ်နီးချင်းနိုင်ငံတွေအကြား ပူးပေါင်းနှိမ်နင်းကြဖို့ကိုလည်း ထိုင်းရေတပ်က တိုက်တွန်းထားပါတယ်။
အဲဒီ ဖမ်းဆီးရမိသူတွေကို ဥပဒေအရအရေးယူနိုင်ဖို့အတွက် လူဝင်မှုကြီးကြပ်ရေးဌာနဆီ လွှဲပြောင်းအပ်နှံထားတယ်လို့ သိရပါတယ်။
