Border News Agency
ပါကစ္စတန်၊ မတ် ၁။
ပါကစ္စတန်နိုင်ငံ၊ ကရာချီမြို့မှာရှိတဲ့ အမေရိကန်ကောင်စစ်ဝန်ရုံးကို အီရန်လိုလားတဲ့ ဆန္ဒပြသူတွေက အင်အားသုံး ဝင်ရောက်စီးနင်းပြီး မီးရှို့ဖျက်ဆီးခဲ့ကြတယ်လို့ ယူအေအီး (UAE) ကာကွယ်ရေးဝန်ကြီးဌာန က အတည်ပြုထုတ်ပြန်လိုက်ပါတယ်။
အမေရိကန်နဲ့ အစ္စရေးတို့ရဲ့ ပူးပေါင်းတိုက်ခိုက်မှုကြောင့် အီရန်အမြင့်ဆုံးခေါင်းဆောင်ကြီး အလီခါမေနီ သေဆုံးသွားရတဲ့အပေါ် လက်စားချေတဲ့အနေနဲ့ အခုလို ကောင်စစ်ဝန်ရုံးကို ပစ်မှတ်ထား တိုက်ခိုက်ခဲ့တာဖြစ်တယ်လို့ဆိုပါတယ်။
အဲဒီဖြစ်စဉ်အတွင်း ဒေါသထွက်နေတဲ့ လူအုပ်ကြီးဟာ ကောင်စစ်ဝန်ရုံးရဲ့ လုံခြုံရေးအတားအဆီးတွေကို ဖြတ်ကျော်ဝင်ရောက်ခဲ့ကြပြီး အဆောက်အအုံအချို့ကို မီးရှို့ဖျက်ဆီးခဲ့တာကြောင့် အတော်အတန် ပျက်စီးဆုံးရှုံးမှုတွေ ရှိခဲ့တယ်လို့ ဆိုပါတယ်။
လက်ရှိမှာတော့ ပါကစ္စတန်လုံခြုံရေးတပ်ဖွဲ့ဝင်တွေက အခြေအနေကို ထိန်းသိမ်းဖို့ ကြိုးစားနေရဆဲဖြစ်ပြီး သံတမန်တွေနဲ့ ဝန်ထမ်းတွေရဲ့ လုံခြုံရေးအတွက် အထူးစိုးရိမ်ရတဲ့ အခြေအနေကို ဆိုက်ရောက်နေတယ်လို့ဆ်ုပါတယ်။
ယူအေအီး ကာကွယ်ရေးဝန်ကြီးဌာနရဲ့ ထုတ်ပြန်ချက်အရ ဒီတိုက်ခိုက်မှုဟာ ဒေသတွင်းမှာ အမေရိကန်ဆန့်ကျင်ရေး လှုပ်ရှားမှုတွေ ပိုမိုပြင်းထန်လာတာကို ပြသနေပြီး အရှေ့အလယ်ပိုင်းက စစ်ရေးတင်းမာမှုတွေဟာ အာရှဒေသအထိ ကူးစက်လာနေတာလို့ဆိုပါတယ်။
