Border News Agency
နီပေါ၊ စက်တင်ဘာ ၃။
နီပေါနိုင်ငံမှာ သြဂုတ်လ ၂၆ ရက်နေ့က ဘိုတေးကေရှီမြစ်ရေလျှံမှုကြောင့် ရေဘေးသင့်ခဲ့တဲ့ ဒေသတွေကို ရှာဖွေကယ်ဆယ်ရေးလုပ်ငန်းတွေကို အရှိန်အဟုန်မြှင့် ဆက်လုပ်နေတယ်လို့ နီပေါတပ်မတော်က စက်တင်ဘာလ ၃ ရက်၊ဒီနေ့ထုတ်ပြန်ပါတယ်။
လေကြောင်းကယ်ဆယ်ရေးအနေနဲ့ စက်တင်ဘာလ ၃ ရက်၊ဒီနေ့မနက်ပိုင်းအထိ ထိခိုက်ခံရတဲ့ ဒေသအသီးသီးမှ ပြည်သူခြောက်ဦးကို ရဟတ်ယာဉ်တွေနဲ့ကယ်ထုတ်နိုင်ခဲ့တယ်လို့ဆိုပါတယ်။
အဲဒီအပြင်ရေအားလျှပ်စစ်စီမံကိန်း လိုဏ်ခေါင်းတွေအတွင်း ပိတ်မိနေသူတွေကိုလည်း အထူးပူးပေါင်းကယ်ဆယ်ရေးအဖွဲ့တွေကယန္တရားကြီးတွေသုံးပြီး ဆက်လက်ရှာဖွေနေပါတယ်။
အဲဒီထိခိုက်ဒေသတွေမှာ တပ်မတော်သားကိုးထောင်သုံးရာကျော်က ရုပ်အလောင်းတွေကိုကူညီစီမံပေးရေး၊ ပိတ်ဆို့နေတဲ့လမ်းတွေကိုပြန်ဖွင့်ရေးနဲ့ အရေးပေါ် ဆေးကုသမှုတွေဆောင်ရွက်ပေးနေတယ်လို့ဆိုပါတယ်။
နီပေါတပ်မတော် စစ်သေနာပတိချုပ် ဗိုလ်ချုပ်ကြီး အာရှုတ် ရာဂျ် ဆစ်ဂဒဲလ်ကလည်း ကယ်ဆယ်ရေးလုပ်ငန်းခွင်တွေကို သွားရောက်ကြည့်ရှုပြီး ကယ်ဆယ်ရေးလုပ်ငန်းတွေ ဆက်လက်ဆောင်ရွက်ဖို့ ညွှန်ကြားခဲ့ပါတယ်။
