Border News Agency
ကျောက်ဖြူ၊ ဇူလိုင် ၂၃။
အာရက္ခတပ်တော် (AA) နဲ့ တိုက်ပွဲတွေပြင်းထန်နေတဲ့ ကျောက်ဖြူမြို့နယ်မှာ ဇူလိုင်လ ၂၂ ရက် မနက် အစောပိုင်းက စစ်ကောင်စီက ဘုန်းကြီးကျောင်းတစ်ကျောင်းကို ပစ်မှတ်ထားဗုံးကြဲခဲ့တယ်လို့ ဒေသခံ တွေကပြောပါတယ်။
ကျောက်ပြောက်ရွာက ဘုန်းကြီးကျောင်းကို ဂျက်တိုက်လေယာဉ်နဲ့ ဗုံးနှစ်လုံးကြဲချခဲ့တာဖြစ်ပြီး အဲဒီကျောင်းမှာ ခိုလှုံသီတင်းသုံးနေတဲ့ ဇိုင်ချောင်းရွာ ဆရာတော်ကြီး ဒဏ်ရာရသွားတယ်လို့ဆိုပါတယ်။ ဘုန်းကြီးကျောင်းဆောင်၊ ဓမ္မရုံနဲ့ သိမ်တွေလည်း ဗုံးကြောင့်ပျက်စီးသွားတယ်လို့လည်းဆိုပါတယ်။
အာရက္ခတပ်တော် (AA) က ကျောက်ဖြူမြို့နယ်ကို ထိုးစစ်ဆင်နေရာကနေ စစ်ကောင်စီတပ်နဲ့ နှစ်ဖက်တိုက်ပွဲတွေ ဆက်လက်ပြင်းထန်နေပါတယ်။
