Border News Agency
မိုးကုတ်၊ ဩဂုတ်လ ၂၆။
မိုးကုတ်မြို့အရှေ့ပိုင်းကို စစ်ကော်မရှင်တပ်လေကြောင်းမှပေါင် ၂၅၀ ဗုံးနှစ်လုံး နဲ့တိုက်ခိုက်ခဲ့တာကြောင့် အရပ်သားတဦးဒဏ်ရာရသွားတယ်လို့ တအာင်းတပ်မတော်က သြဂုတ်လ ၂၆ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ မနေ့ ည ၁၀ နာရီ ၅၅ မိနစ်အချိန်က မိုးကုတ်မြို့နယ်၊ စည်ပင်သာယာရပ်ကွက်ကို တိုက်ပွဲဖြစ်ပွားတာမရှိပဲ လေကြောင်းတိုက်ခိုက်ခဲ့တာကြောင့် အရပ်သားတဦးဒဏ်ရာရကာ နေအိမ်ငါးလုံး ပျက်စီးသွားခဲ့တယ်လို့ ဆိုပါတယ်။
မိုးကုတ်မြို့နယ်ကို ဩဂုတ်လအတွင်း ၂ ရက်နေ့တကြိမ်၊ ၁၀ ရက်နေ့တကြိမ်၊၁၄ ရက်နေ့တကြိမ်၊၁၇ ရက်နေ့ တကြိမ်၊၁၈ ရက်နေ့တကြိမ်၊စုစုပေါင်းဆယ်ကြိမ်ထိ လေကြောင်းတိုက်ခိုက်ခဲ့တယ်လို့ ဆိုပါတယ်။
အဲဒါကြောင့် သာမဏေနှစ်ပါး၊ ကလေးငယ်လေးဦး၊ အမျိုးသားဆယ့်ရှစ်ဦး၊ အမျိုးသမီးဆယ့်ခုနှစ်ဦးသေဆုံးပြီးသာမဏေတပါး၊အမျိုးသားဆယ့်ကိုးဦး၊ အမျိုးသမီးလေးဦးထိခိုက်ဒဏ်ရာရသွားတယ်လို့ဆိုပါတယ်။
အဲဒီအပြင်နေအိမ်ခြောက်ဆယ်နှစ်အိမ်အဆောက်အဦးတလုံး၊ စာသင်ကျောင်း တကျောင်း၊ ကားလေးစီး၊ ဆိုင်ကယ်သုံးစီးလည်းပျက်စီးသွားခဲ့တယ်လို့ဆိုပါတယ်။
အဲဒါကြောင့်စစ်ကောင်စီတပ်လေကြောင်းရန်ကိုရှောင်နိုင်ဖို့ စစ်ရေးသတိအမြဲရှိဖို့လိုအပ်ပြီး လေကြောင်းရန်ကာကွယ်ရေးဆိုင်ရာနည်းလမ်းတွေကို ပြည်သူတွေလိုက်နာကြဖို့လိုအပ်တယ်လို့ တအာင်းတပ်မတော်က အသိပေးထုတ်ပြန်ထားပါတယ်။
Comments 1
Hi i think that i saw you visited my web site thus i came to Return the favore Im attempting to find things to enhance my siteI suppose its ok to use a few of your ideas