Border News Agency
မကွေး၊ စက်တင်ဘာ ၅။
စစ်ကော်မရှင်တပ်ရဲ့ယာယီနည်းဗျူဟာမှူးအပါအဝင်ဗျူဟာရုံးအဖွဲ့ဝင် ၁၇ ဦးကို အာရက္ခတပ်တော်(AA)မှ လက်ရ ဖမ်းဆီးရမိခဲ့တယ်လို့ စက်တင်ဘာလ၅ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ရဲ့အမှတ် ၉၉ ခြေလျင်တပ်မဌာနချုပ်၊ အမှတ် ၉၉၂ နည်းဗျူဟာအဖွဲ့မှယာယီနည်းဗျူဟာမှူး၊ အသက် ၄၆နှစ်အရွယ်ပြန်တမ်းဝင်အမှတ်၊ ကြည်း/၃၃၁၄၄ ဒုတိယဗိုလ်မှူးကြီးကျော်ကျော်သက်အပါအဝင်ဗျူဟာရုံးအဖွဲ့ဝင် ၁၇ ဦးဖြစ်ပါတယ်။
သူတို့ကို မကွေးတိုင်း၊ဂုတ်စီးရိုးဒေသတိုက်ပွဲမှာ ၂၀၂၅ ခုနှစ်၊ဖေဖော်ဝါရီလ ၄ ရက်၊ည ၈ နာရီခန့်က အာရက္ခတပ်တော်လက်ရဖမ်းဆီးရမိခဲ့တာလို့ ဆိုပါတယ်။
မကွေးတိုင်းမှာစစ်ဆင်ရေးလုပ်နေခဲ့တဲ့တပ်မ ၉၉ တပ်ရင်း၊ တပ်ဖွဲ့ဝင်တွေနေရာမှာ တပ်အပြောင်းအလဲလုပ်တဲ့တပ်မ ၉၉ လက်အောက်ခံ၊ ခမရ ၁၀၉ မှာ မိခင်တပ်ရင်းသို့ တပ်နားရန်ရောက်ရှိနေတာကို အမ်း-ပဒါန်းစစ်ဆင်ရေးမှာအောင်မြင်မှုရခဲ့သလိုရှေ့တန်းပြန်အခမ်းအနားပြုလုပ်နေတာဟာစစ်မြေပြင်အရှုံးကို ဖုံးကွယ်ရန်ကြိုးစားတာလို့ဆိုပါတယ်။
ပဲခူးတိုင်း၊ ပန်းတောင်မြို့နယ်၊ ဆင်လမ်ကျေးရွာအနောက်ဘက် ၂ ကီလိုမီတာ နဲ့၁.၇ကီလိုမီတာအကွာမှာ တိုက်ပွဲတွေဖြစ်နေတယ်လို့ ဆိုပါတယ်။
အဲဒီအပြင် ပဲခူးတိုင်း၊ ပန်းတောင်မြို့နယ်၊ ညောင်ကျိုးကျေးရွာအရှေ့မြောက်ဘက် ၂.၅ ကီလိုမီတာအကွာတောင်ကြောမှာလည်း တိုက်ပွဲတွေဖြစ်နေတယ်လို့ ဆိုပါတယ်။
နောက်ပြီးဧရာဝတီတိုင်း-ရက္ခိုင်အစပ် စက်စက်ယိုရွာပတ်ဝန်းကျင်မှာလည်းတိုက်ပွဲတွေဖြစ်နေတယ်လို့ ဆိုပါတယ်။
