အင်တာဗျူး
Border News Agency
မောင်တော၊ စက်တင်ဘာ ၁၇။
ဘင်္ဂလားဒေ့ရှ်နယ်ခြားစောင့်တပ်ရဲ့စက်တင်ဘာလ ၁၅ ရက်နေ့က သတင်းစာရှင်းလင်းပွဲမှာ ဘင်္ဂလားဒေ့ရှ်နယ်ခြားစောင့်တပ်ရဲ့ပန်းဝါဒေသဌာနခွဲ လက်ထောက်ညွှန်ကြားရေးမှူးဗိုလ်မှူး ကြီးမိုဟီဒင်းအာမတ်က ဘင်္ဂလားဒေ့ရှ်နိုင်ငံသားတချို့ဟာ အာရက္ခတပ်တော်ဆီက မူးယစ်ဆေးဝါးတွေ ဝယ်ယူနေကြတယ်လို့ စွပ်စွဲပြောဆိုလိုက်ပါတယ်။
အဲဒီဘင်္ဂလားဒေ့ရှ်နယ်ခြားစောင့်တပ် (BGB)ရဲ့ ပြောဆိုချက်တွေဟာအခြေအမြစ်မရှိလုပ်ကြံစွပ်စွဲချက်တွေဖြစ်တယ်လို့ အာရက္ခတပ်တော်(AA)ပြောရေးဆိုခွင့်ရှိသူခိုင်သုခက သတင်းမီဒီယာတွေကို ပြောပါတယ်။
“ဘင်္ဂလားဒေ့ရှ်နယ်ခြားစောင့်တပ် BGB ရဲ့သတင်းစာရှင်းလင်းပွဲမှာ ရာဟူးဆ တ်တာကွန်မတ်တာရဲ့ စွပ်စွဲပြောဆိုချက်ဖြစ်တဲ့ သူတို့ဘင်္ဂလားဒေ့ရှ်နိုင်ငံသားတွေ မူးယစ်ဆေးဝါးတွေကို အေအေထိန်းချုပ်နေရာက သွားယူနေကြတယ်ဆိုတာကတော့ ဒါလုံးဝမဟုတ်ပါဘူး။ ဒါဟာ အခြေအမြစ်မရှိ တဖက်သတ်လုပ်ကြံစွပ်စွဲချက်ပဲဖြစ်ပါတယ်။
နယ်စပ်ကို ကျွန်တော်တို့ အာရက္ခတပ်တော်က သိမ်းပိုက်ထိမ်းချုပ်ပြီးတဲ့နောက်ပိုင်းမှာ အရင်စစ်ကောင်စီလက်ထက်ကရှိနေခဲ့တဲ့ ဒီမူးယစ်ဆေးဝါးလုပ် ငန်းတွေအားလုံးဟာ လုံဝရပ်တန့်သွားပြီးဖြစ်ပါတယ်။
အရင်စစ်ကောင်စီလက်ထက်က မူးယစ်ဆေးဝါးလုပ်ငန်းနဲ့အကျိုးစီးပွားဆက် စပ်နေတဲ့ဘင်္ဂလားနယ်ခြားစောင့်တပ်က အရာရှိတွေ၊တပ်ဖွဲ့ဝင်တွေဟာ သူတို့ အကျိုးစီးပွားပျက်သွားတဲ့အတွက် အေအေပေါ်မှာ နည်းမျိုးစုံနဲ့ထိုးနှက်တိုက်ခို က်လာတာတွေ၊နောက်လူသားချင်စာနာမှုအထောက်အကူပစ္စည်းတွေဖြစ်တဲ့ ဆေးဝါးနဲ့အခြေခံလူသုံးကုန်ပစ္စည်းတွေကို အာရက္ခပြည်ဖက်လုံးဝမရောက်ရအောင်ကန့်သတ်ပိတ်ပင်မှုတွေလုပ်လာတာတွေ့ရပါတယ်။”
“ဒါကြောင့်နယ်စပ်မှာ ဘယ်လိုဖြတ်သ န်းသွားလာမှုမျိုးမှလုပ်လို့မရပါဘူး။ဒီလိုဖြတ်သန်းသွားလာမှုလုပ်လို့မရတဲ့အ ခြေအနေမှာ သူတို့ ဘင်္ဂလားဒေ့ရှ်နိုင်ငံ သားတွေ အေအေထိန်းချုပ်နယ်မြေက မူးယစ်ဆေးဝါးတွေသွားယူနေကြတယ်လို့ပြောတာက ဒါလုံးဝ ယုတ္တိမတန်တဲ့ကိစ္စဖြစ်ပါတယ်။”
“ဘာကြောင်းလဲဆိုလို့ရှိရင် ဘာပစ္စည်းမှရခိုင်ဖက်ခြမ်းကို မရောက်ရအောင် သူတို့နယ်စပ်ကို သူတို့ဘင်္ဂလားဒေ့ရှ်နယ်ခြားစောင့်တပ်က လုံခြုံရေးတွေတင်းတင်းကျကျချပြီးတော့စောင့်ရှော က်နေတဲ့ကာလမှာ ဘယ်လိုလုပ်ပြီးတော့သူတို့နိုင်ငံသားတွေက ကျွန်တော်တို့ ဖက်ကိုဖြတ်သွားပြီးတော့မှ မူးယစ်ဆေးဝါးယူလာလို့ရမလဲ။ ဒါဦးနှောက်ရှိတဲ့သူတိုင်း စဉ်းစားကြည့်လို့ရတဲ့ ကိစ္စဖြစ်ပါတယ်။”
“ဒါကြောင့်မို့လို့ ခုဒီ BGB ဆတ်တာကွန်မန်ဒါရဲ့ စွပ်စွဲပြောဆိုချက်ဟာ မူးယစ်ဆေးဝါးလုပ်ငန်းနဲ့သူတို့အကျိုးစီးပွားပတ်သတ်နေမှုကို ဖုံးကွယ်ဖို့အတွက် ဒါရွယ်ရွယ်ချက်ရှိရှိ ယမ်းသမ်းစွပ်စွဲပြော ဆိုချက်တွေသာဖြစ်ပါတယ်။”
“ဘင်္ဂလားဒေ့ရှ်ဘက်မှာဖမ်းမိတဲ့ မူးယ စ်ဆေးဝါးတွေဟာ ဗမာအကြမ်းဖက် ဖက်ဆစ်စစ်ကောင်စီထိန်းချူပ်ထားတဲ့ရန်ကုန်၊စစ်တွေမြို့တွေကတဆင့် စစ်ကော်မရှင်နဲ့သူ့ရဲ့မဟာမိတ်ဘင်ဂလီအစွန်းရောက်အဖွဲ့အစည်းတွေပေါင်းပြီးတော့ပင်လယ်ရေကြောင်းက ဗမာရေတပ်သင်္ဘောတွေနဲ့ဘင်္ဂလားဒေ့ရှ်ရေပိုင်နက် စိန့်မာတင်ကျွန်းကိုတင်ပို့နေကြတာဖြစ်ပါတယ်။”
“ဒီမူးယစ်လုပ်ငန်းလမ်းကြောင်းက အ ကျိုးအမြတ်ရနေတဲ့ဘင်္ဂလားဒေ့ရှ်နယ် ခြားစောင့်ကအရာရှိတပ်တွေနဲ့ဘင်္ဂလားဒေ့ရှ်ကမ်းခြေစောင့်တပ်ဖွဲ့ကအ ရာရှိတချို့ဟာသူတို့မူးယစ်လုပ်ငန်းနဲ့အကျိုးစီးပွားဆက်စပ်နေမှုတွေကို ဖုံး ကွယ်ဖို့အတွက်အေအေထိန်းချုပ်ဧရိ ယာကလာသယောင်ယောင်စွပ်စွဲပြော ဆိုမှုတွေကိုအကြမ်းဖက်စစ်ကောင်စီနဲ့ အချိန်ကိုက်လိမ်ဆယ်လုပ်ကြံထုတ်ပြန်နေကြတာပါ။”
“ဘင်္ဂလားဒေ့ရှ်နယ်ခြားစောင့်တပ် BGB ဟာ ဒုက္ခသည်စခန်းက ဘာသာရေးအစွန်းရောက်ဘင်္ဂလီအကြမ်းဖက်စစ် သွေးကြွအဖွဲ့အစည်းတွေကို သင်တန်းပေးလက်နက်တပ်ဆင်ပေး အဲဒီလိုမျိုးတွေလုပ်နေပါတယ်။”
အဲဒီအကြမ်းဖက်လက်နက်ကိုင်တွေကို သူတို့ BGB စခန်းတွေနဲ့ဘေးပတ်ပတ် လည်မှာ နေရာချထားပြီးတော့ အကြမ်းဖက်မှု၊လူသတ်မှု၊ပြန်ပေးဆွဲမှု၊ဓားပြတိုက်မှု၊မုဒိန်းမှု၊မူးယစ်မှောင်ခိုလုပ်င န်း၊လူကုန်ကူးမှုအစရှိတဲ့ နယ်စပ်ဖြတ်ကျော်ရာဇဝတ်မှုမျိုးစုံကိုကျူးလွန်ဖို့အတွက်ကျောထောက်နောက်ခံပေးထားပြီးတော့ အကျိုးအမြတ်ရယူနေကြတာဖြစ်ပါတယ်။”
“ဒါကြောင့်မလို့ ဘင်္ဂလားဒေ့ရှ်နယ်ခြားစောင့်တပ် BGB ရဲ့ဒီလုပ်ရပ်ဟာ နယ်စပ်ဒေသတည်ငြိမ်ရေး၊ ဒေသတွင်းလုံခြုံရေးကို ဆိုးဆိုးဝါးဝါးခြိမ်းခြောက်နေတာဖြစ်တယ်။”
