Border News Agency
မြိတ်၊ စက်တင်ဘာ ၂၁။
စစ်ကော်မရှင်တပ်ဖွဲ့ဝင်နှစ်ဦးဟာကရင်အမျိုးသားလွတ်မြောက်ရေးတပ်မတော်(KNLA)တပ်မဟာ ၄ တပ်ရင်း ၁၁ သို့ အလင်းဝင်လာတယ်လို့ စက်တင်ဘာလ ၂၁ ရက်၊ ဒီနေ့ထုတ်ပြန်ပါတယ်။
မြိတ်ထားဝယ်ခရိုင်၊ တနောသရီမြို့နယ် (တနင်္သာရီ)မှာ စစ်ကော်မရှင်တပ်ရဲ့အမှတ် ၂၈၀ ခြေလျင်တပ်ရင်းမှတပ်သား နှစ်ဦးဟာ ကရင်အမျိုးသားလွတ်မြောက်ရေးတပ်မတော်ဆီ စက်တင်ဘာလ ၂၀ ရက်နေ့က အလင်းဝင်လာတယ်လို့ ဆိုပါတယ်။
အဲဒီအလင်းဝင်လာသူနှစ်ဦးဟာ ထိုင်းနိုင်ငံမှာအလုပ်သွားလုပ်နေစဥ်အဖမ်းခံရပြီး ထိုင်းနိုင်ငံမှတဆင့် မြန်မာနိုင်ငံကော့သောင်းဘက်သို့ပြန်ပို့ခံခဲ့ရတယ်လို့ဆိုပါတယ်။
သူတို့တွေကို ကျွန်းစုမြို့ရှိ စစ်ကော်မရှင်တပ်ကအတင်းအဓမ္မ ပြည်သူ့စစ်မှုထမ်းသင်တန်းသုံးလတက်ခိုင်းခဲ့ပြီး ရှေ့တန်းသိန်းခွန်းဘက်သို့အပို့ခံခဲ့ရချိန် ထွက်ပြေးလွတ်မြောက်လာခဲ့တယ်လို့ဆိုပါတယ်။
အဲဒါကြောင့် ကရင်အမျိုးသားလွတ်မြောက်ရေးတပ်မတော်တပ်ရင်း ၁၁ သို့ လက်နက်မပါအလင်းဝင်ဘက်ပြောင်းခိုလှုံလာခဲ့တယ်လို့ဆိုပါတယ်။
