Border News Agency
မကွေး၊ ဒီဇင်ဘာ ၉ ။
မကွေးတိုင်း၊ မြိုင်မြို့နယ်အတွင်း စစ်ကြောင်းထိုးနေတဲ့ စစ်ကော်မရှင်တပ်ဟာ ပြည်သူသုံးဦးကိုသတ်ဖြတ်ပြီး နေအိမ်တွေကိုမီးရှို့ဖျက်ဆီးခဲ့တယ်လို့ အညာမြေအရပ်ဖက်လူမှုအဖွဲ့အစည်း-မြိုင်မှ ထုတ်ပြန်ပါတယ်။
အဲဒီ မြိုင်မြို့နယ်မှကျေးရွာတွေနဲ့ စစ်ရှောင်ဘေးရှောင်တဲအိမ်တွေကို စစ်ကော်မရှင်တပ်တွေ ဆက်တိုက်မီးရှို့နေတာမို့ ထောင်နဲ့ချီတဲ့ပြည်သူတွေ ထွက်ပြေးတိမ်းနေရတယ်လို့ဆိုပါတယ်။
မြိုင်မြို့နယ်အတွင်းကို ပြီးခဲ့တဲ့နိုဝင်ဘာလကစပြီး စစ်ကော်မရှင်တပ်စစ်ကြောင်းထိုးနေတာကြောင့် ညောင်ရွာကျေးရွာမှတောတိုက်မှာ စစ်ရှောင်နေတဲ့ အသက်သုံးဆယ်သုံးနှစ်အရွယ်ကိုငသိန်းနဲ့ ရွာတန်းရှည်ကျေးရွာမှအရပ်သားနှစ်ဦးကို သတ်ဖြတ်ခဲ့တယ်လို့ ဆိုပါတယ်။
အဲဒီစစ်ကြောင်းဟာ နိုဝင်ဘာလ ၅ ရက်နေ့က မြိုင်မြို့နယ်တောင်ပိုင်းရှိ နှမ်းဆီကန်ကျေးရွာမှနေ အိမ်နှစ်ဆယ့်ငါးလုံး၊ ရွာတန်းရှည်ကျေးရွာမှ ဆန်အိတ်နှစ်ဆယ်ကျော်၊ ဆိုင်ကယ်သုံးစီးအပါအဝင် တောတိုက်စစ်ဘေးရှောင်တဲအိမ်သုံးလုံးကို မီးရှို့ဖျက်ဆီးခဲ့တယ်လို့ ဆိုပါတယ်။
အဲဒီအပြင် နိုဝင်ဘာလ ၁၃ ရက်နေ့က ဝက်ပုတ်ကျေးရွာမှ နေအိမ်ငါးလုံးနဲ့ နိုဝင်ဘာလ ၂၆ ရက်နေ့တွင် တဲကြီးကျေးရွာမှဘုန်းတော်ကြီးကျောင်းအပါအဝင် နေအိမ်နှစ်ဆယ့်ရှစ်လုံးကို မီးရှို့ဖျက်ဆီးခဲ့တယ်လို့ ဆိုပါတယ်။
အဲဒီစစ်ကော်မရှင်တပ် စစ်ကြောင်းဟာမြိုင်နယ်ထဲကို ဆက်ပြီးစစ်ကြောင်းထိုးလာနိုင်တာမို့ ပြည်သူတွေစစ်ရေးအမြဲသတိရှိဖို့နဲ့ အရေးကြီးစာရွက်စာတမ်းတွေ အဖိုးတန်ပစ္စည်တွေဆုံးရှုံးမရှိအောင် စနစ်တကျစိီစဥ်ထားဖို့လည်း အသိပေးထားပါတယ်။
