Border News Agency
ရန်ကုန်၊ ဒီဇင်ဘာ ၁၅။
ရန်ကုန်၊ မြောက်ဥက္ကလာပမြို့နယ်၊ ရွှေပေါက္ကံမြို့သစ်၊ ၁၉ ရပ်ကွက်၊နောင် ၁ လမ်းမှာ နိုဝင်ဘာလ ၂၇ ရက်နေ့၊ မနက် ၆ နာရီအချိန်မှာ ငွေကျပ် ၁၃၃ ဘီလီယံကျော်တန်ဖိုးရှိ မူးယစ်ဆေးတွေဖမ်းဆီးရမိခဲ့တယ်လို့ စစ်ကော်မရှင်တပ်က မနေ့ကထုတ်ပြန်ပါတယ်။
အဲဒီအပြင် ရွှေမောင်ဆန်း၊ မင်းဇော်လှိုင်၊ အောင်ကျော်မျိုး၊ မောင်မောင်သန်းတို့လေးဦးကိုလည်း ကက်တမင်း ၁ ဒသမ ၈ တန်ကျော်၊ HINO Box မော်တော်ယာဉ်တစီး၊ MARK-X မော်တော်ယာဉ်တစီး၊ LIGHT TRUCK မော်တော်ယာဉ်တစီးတို့ကိုလည်း ဖမ်းဆီးရမိခဲ့တယ်လို့ဆိုပါတယ်။
မြောက်ဥက္ကလာပမြို့နယ်၊ ရွှေပေါက္ကံမြို့သစ်၊ ၁၉ ရပ်ကွက်ရှိ ဂိုဒေါင်မှ အိုက်စ်(မက်သ်အဖက်တမင်း) ၁ ဒသမ ၅၈ တန်နဲ့ကက်တမင်း ၆၀ ကီလိုတို့ကို ထပ်ပြီး သိမ်းဆည်းရမိခဲ့တယ်လို့ဆိုပါတယ်။
အဲဒီမူးယစ်ဆေးဝါးတန်ဖိုးဟာ ဒေသတန်ဖိုးငွေကျပ် ၃၉ ဒသမ ၅ ဘီလီယံ)နဲ့ ကက်တမင်း ၁ ဒသမ ၈၈၅ တန်(ဒေသတန်ဖိုးငွေကျပ် ၉၄ ဒသမ ၂၅ ဘီလီယံ)စုစုပေါင်းတန်ဖိုးငွေကျပ် ၁၃၃ ဒသမ ၇၅ ဘီလီယံအား သိမ်းဆည်းရမိခဲ့တယ်လို့ဆိုပါတယ်။
မြတ်မင်းကိုနဲ့ ပြည့်စုံအောင်တို့ကို နိုဝင်ဘာလ ၂၇ ရက်နေ့က မင်္ဂလာဒုံမြို့နယ်၊ နွယ်ခွေရပ်ကွက်ရှိတည်းခိုခန်းမှာ ဖမ်းဆီးရမိခဲ့သလို ဇော်နိုင်ဦးနဲ့ နေမင်းကျော်ထွေးတို့ကိုလည်း နိုဝင်ဘာလ ၂၈ ရက်နေ့မှာ ကျောက်ဆည်မြို့နယ်၊သံရွာအနီးတွင် ဖမ်းဆီးရမိခဲ့တယ်လို့ ဆိုပါတယ်။
ကိုကိုကျော်ရဲနောင်ကိုလည်း နိုဝင်ဘာလ ၂၈ ရက်နေ့ကလားရှိုးမြို့၊ ရပ်ကွက် ၁၂ ရှိ သူ့နေအိမ်မှာ ဖမ်းဆီးရမိခဲ့သလို နိုင်ဝင်းထွေး၊ မျိုးဝင်း၊ တင်ကိုကိုလင်းတို့ကိုလည်း နိုဝင်ဘာလ ၂၉ ရက်နေ့ကလားရှိုးမြို့၊ ရပ်ကွက် ၁ မှာဖမ်းဆိီးခဲ့တယ်လို့ဆိုပါတယ်။
အဲဒီမူးယစ်ဆေးဝါးတွေဟာ ရှမ်းပြည်နယ်မြောက်ပိုင်းမှ ရန်ကုန်မြို့သို့သယ်ဆောင်ပြီး ထိုင်းနိုင်ငံဖက်ကို ပို့မယ့်အစွည်းတွေဖြစ်တယ်လို့ဆိုပါတယ်။
